پرسنامه‌ی جوان ئیحسان بۆ كۆچی دوایی دكتۆر مارف عومه‌ر گوڵ

دكتۆر جوان ئیحسان فه‌وزی پرسه‌نامه‌یه‌ك ئاڕاسته‌ی خانه‌واده‌و كه‌سوكاری پڕۆفیسۆر دكتۆر مارف عومه‌ر گوڵ ده‌كات.

به‌ڕێزان / خانه‌واده‌ و كه‌سوكاری خوالێخۆشبوو پرۆفیسۆر دكتۆر مارف عومه‌ر گوڵ 

به‌داخێكی زۆره‌وه‌ هه‌واڵی كۆچی دوایی تێكۆشه‌رو پێشمه‌رگه‌ی دێرین ومامۆستای زانكۆ پرۆفیسۆر دكتۆر مارف عومه‌ر گوڵ-م بیست ، ئه‌م هه‌واڵه‌ له‌ناخه‌وه‌ دڵگران و خه‌مباری كردم . پرۆفیسۆر دكتۆر مارف ڕۆڵی به‌رچاوی هه‌بوه‌ له‌به‌ره‌و پێشبردنی ئاستی زانست و مه‌عریفه‌ به‌و پێیه‌ی مامۆستای زانكۆبوو چه‌ندین خوێندكارو قوتابی له‌سه‌رده‌ستی پێگه‌یشتن ، جگه‌ له‌وه‌ نوسه‌رو ڕوناكبیرو شاعیرێكی ناوداری گه‌له‌كه‌مان بوو ، كه‌ته‌واوی ته‌مه‌نی ته‌رخانكرد بۆلێكۆڵینه‌وه‌و نوسین له‌بواری جینۆسایدی كورد ، نوسین وبه‌رهه‌مه‌كانی جێگایه‌كی گرنگی هه‌یه‌ له‌مێژووی گه‌له‌كه‌ماندا .هه‌ربۆیه‌ ناو و ناو بانگی له‌ناومیلله‌ته‌كه‌ماندا به‌نه‌مری و شانازییه‌وه‌ ده‌مێنێته‌وه‌ ، له‌ده‌ستدان و كۆچی دوایی پرۆفیسۆر دكتۆر مارف خه‌ساره‌تێكی گه‌وره‌یه‌ بۆ میلله‌تی كورد ، له‌م ماته‌مه‌دا هاوخه‌می خۆم ئاڕاسته‌ی خانه‌واده‌ و كه‌سوكار و هاوڕێ و هه‌ڤاڵانی ده‌كه‌م ، هاوبه‌شی خه‌م‌ و په‌ژاره‌ی بنه‌ماڵه‌ به‌ڕێزه‌كه‌یانم 
له‌په‌روه‌ردگار داواكارم ئه‌مه‌ دوا كۆست و ناخۆشیان بێت خوالێخۆشبوو جێگای  به‌هه‌شتی به‌رین بێت .


دكتۆر جوان احسان فوزی
ئه‌ندامی مه‌كته‌بی سیاسی یه‌كێتی نیشتمانی كوردستان 

PUKmedia