riklam

باران بارینی ئه‌مساڵ ئومێدی بۆ جوتیاران گه‌ڕانده‌وه‌

کوردستان 04:52 PM - 2022-01-15

له‌گه‌ڵ ئه‌وه‌ی بارانبارینی ئه‌مساڵ زیانی به‌ چه‌ندین خێزانی سنووری هه‌ولێر گه‌یاند، كه‌چی جوتیاران دڵخۆش به‌ رێژه‌ی باران بارینی ئه‌مساڵ و پێیانوایه‌ ئه‌و رێژه‌یه‌ واده‌كات جوتیاران مه‌ترسی وشكه‌ ساڵیان نه‌مێنێت و ده‌ست به‌ كێڵانی زه‌وییه‌كانیان بكه‌ن بۆ چاندنی به‌رهه‌مه‌كانی گه‌نم و جۆ.

ئه‌حمه‌د غه‌فور وه‌ك جوتیارێكی نموونه‌یی له‌ ده‌شتی هه‌ولێر به‌  PUKmedia ی راگه‌یاند: ئه‌و رێژه‌ بارانه‌ی تاكو ئێستا له‌ ناوچه‌ جیاجیاكانی كوردستان باریوه‌ واده‌كات مه‌ترسی وشكه‌ساڵی بڕه‌وێته‌وه‌، وه‌ك له‌ساڵی رابردو روبه‌ڕووی زۆربه‌ی ناوچه‌كان بووه‌وه‌.

وتیشی: ئه‌وه‌ی تاكو ئێستا هه‌یه‌ له‌ تۆماركردنی رێژه‌ی بارین متمانه‌ له‌لای جوتیاران دروست ده‌كات، تاكو ده‌ست به‌ چاندنی به‌رهه‌مه‌كانی گه‌نم و جۆ  بكات.

به‌تایبه‌تی ئه‌وانه‌ی تاكو  تاكو ئێستا بڕیاری كێڵانی زه‌وییه‌كانیان نه‌داوه‌.

ئه‌و جوتیاره‌ نموونه‌ییه‌ ئاماژه‌ی به‌وه‌شكرد: راسته‌ بۆ ناوچه‌كانی گه‌رمیان و باشوری پارێزگای هه‌ولێر و سنووری قه‌زای مه‌خموور پێویسته‌ له‌مانگی 10 جوتیاران ده‌ست به‌ چاندنی به‌رهه‌مه‌كانیان بكه‌ن، به‌ڵام ئێستاش  بۆ هه‌ندێك ناوچه‌ دره‌نگ نیه‌، به‌تایبه‌تی ئه‌وانه‌ی له‌ شاری هه‌ولێر نزیكن.

PUKmedia ته‌ها عه‌بدوڵڵا

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket