قوباد تاڵەبانی: گەلی کورد پرۆفیسۆر و ئەکایدیمیستێکی شارەزای لەدەستدا

جێگری سەرۆکی ئەنجومەنی وەزیران بۆ کۆچی دوایی د. مارف عومەر گوڵ هاوخەمی دەردەبڕێت و دەڵێت:بەکۆچکردنی دکتۆر مارف عومەر گوڵ، گەلی کوردستان پرۆفیسۆر و ئەکادیمیستێکی شارەزاو مامۆستای زانکۆ و نوسەر و شاعیرێکی دیار و قەڵەمێکی دەوڵەمەندی لەدەستدا.

دەقی پرسەنامەکە.............

*بەڕێزان خێزان و خانەوادەی کۆچکردوو دكتۆر مارف عومەر گوڵ*

بەبیستنی هەواڵی کۆچی دوایی پڕۆفیسۆر د. مارف عومەر گوڵ، پێشمەرگەی دێرین و شاعیر و نوسەر و ئەکادیمیستی دیاری کورد دڵگران و نیگەران بوم. 

بەم بۆنە غەمناکەوە پرسەو سەرەخۆشی لەئێوە و هاوڕێ و ئازیزانی و هەموو شاعیر و نوسەرانی کوردستان دەکەم.

بەکۆچکردنی دکتۆر مارف عومەر گوڵ، گەلی کوردستان پرۆفیسۆر و ئەکادیمیستێکی شارەزاو مامۆستای زانکۆ و نوسەر و شاعیرێکی دیار و قەڵەمێکی دەوڵەمەندی لەدەستدا کەتەمەنی خۆی تەرخان کردبو بۆ خزمەتی دۆزی رەوای گەلەکەی و توێژینەوەی زۆر گرنگیشی لەسەر پرسی جینۆسایدی کورد ھە‌بوو كە‌ لە‌ناوە‌ندە‌كاندا كە‌ڵكی زۆری لێوە‌ردە‌گیرا بۆ ئە‌و پرسە‌‌.

خوای گەورە لەکۆچکردوو خۆش بێ و جێگای بەهەشتی بەرین بێت و سەبوری و دڵنەوایی بەهەمولایەک ببەخشێت. 

انا لله و انا اليه راجعون 

قوباد تاڵەبانی 
جێگری سەرۆکی ئەنجومەنی وەزیران

PUKmedia