بەئامادەبوونی لێپرسراوان پرسەی محەمەد مەلا مەعسوم بەڕێوەچوو

بەیانی ئەمڕۆ 12-1-2022، تەرمی محەمەد مەلا مەعسوم برای د. فوئاد مەعسوم سەرۆك كۆماری پێشووی عیراق گەڕێنرایەوە شاری كۆیە، بە ئامادەبوونی چەندین لێپرسراوی حزبی و حكومی و دۆست و هاوڕێیانی و دانیشتوانی كۆیە لە مەڕاسیمێكی شایستەدا لە بناری چیای هەیبەت سوڵتان  بەخاكسپێردرا.

محەمەد مەلا معسوم ساڵی 1944 لە شاری كۆیە لە بنەماڵەییەكی پێشەنگی خەبات و تێكۆشانی كوردایەتی، كە لە شۆڕشی نوێی گەلەكەماندا رۆڵی سەنگین و بەرچاویان هەبووە لە دایك بووە و خوێندنی  سەرەتای و ئامادەیی لە كۆیە و بەغدا تەواوكردووە، وەك هاوڕێ دێرینەكانی محەمەد مەلا مەعسوم ئاماژەی بۆ دەكەن، كۆچردوو لە تەمەنێكی لاوییەوە بیری كوردانە لە ناخیدا چەكەرەی كردووە و چەندین كاری رێكخستنی نهێنی لە رێزەكانی یەكێتیی نیشتمانیی كوردستان  ئەنجامداوە بەهۆی ئاشكرابوونییەوە  ساڵی 1986 بۆ ماوەی ساڵێك  رژێمی بەعس زیندانی كردووە.

رۆژی 6-1-2022، تێكۆشەری دێرین محەمەد مەلا مەعسوم برای  د. فوئاد مەعسوم دەستەی  دامەزرێنەری  یەكێتیی نیشتمانیی كوردستان بەهۆی نەخۆشییەوە لەوڵاتی بەریتانیا كۆچی دوایی كرد.

PUKmedia كاروان نازم