ڕێکارەکانی دابەشکردنی غاز رێکدەخرێتەوە

لە سنوری ئیدارەی گەرمیان رێکارەکانی دابەشکردنی غازی شل رێکدەخرێتەوەو هەوڵی چارەسەرکردنی کیشەی کەمی غاز دەدرێت.

ئەمڕۆ یادگار فەتاح بەڕێوەبەری نەوت و کانزاکانی گەرمیان لەگەڵ هۆبەی بەرهەمە نەوتییەکان سەبارەت بە جێبەجێکردنی چەند ڕێکارێک بۆ دابەشکردنی غازی شل کۆبووەوەو بڕیاردرا:

ـ کارگەکانی پڕکردنی بوتڵی غازی شل لە ژێر چاودێری فەرمانبەرانی بەڕێوەبەرایەتیماندا ئەو بڕە غازەی بۆیان دابیندەکرێت لەماوەی یەک هەفتەدا و بە سێ وەجبە بەسەر بریکاراندا دابەشدەکرێت.

- بریکارانی فرۆشتنی غازی شل لەژێر چاودێری ئەنجومەنی گەڕەکدا دابەشیدەکەن بەسەر هاوڵاتیاندا.

- ڕۆژانە بە گوێرەی پێویستییان غازی شل بۆ نانەواخانە و چێشتخانە و خواردەمەنی و کێڵگەکانی پەلەوەر دابین دەکرێت.

ـ نرخی یەک بوتڵ غازی شل بریتیە لە ٧٥٠٠ دینار.

ـ لەماوەی هەفتەیەکدا بۆ سنووری ئیدارەی گەرمیان بەنزیکەیی (١٤) تانکەر غازی شل دابینکراوە و بەنزیکەیی بۆ هەر ڕۆژێک  ٣٤ تۆن  واتا ٢٨٠٠ بوتڵ دەکات.

PUKmedia