سه‌رۆك كۆمار داوای ڕیشه‌كێشكردنی داعش ده‌كات

د. به‌رھه‌م ساڵح، سه‌رۆك كۆماری عیراق ئه‌مڕۆ چوارشه‌ممه‌ 8 ی كانوونی یه‌كه‌می 2021 پێشوازیكرد له‌ هادی عامری، سه‌رۆكی هاوپه‌یمانی فه‌تح و سه‌باره‌ت به‌ بارودۆخی گشتی وڵات و دوا پێشهاته‌ سیاسی و ئه‌منییه‌كان گفتوگۆكرا.

له‌ دیداره‌كه‌دا جه‌ختكرایه‌وه‌ له‌ پێویستی پاراستنی ئاسایش و سه‌قامگیری وڵات و رووبه‌ڕووبوونه‌وه‌ و ریشه‌كێشكردنی پاشماوه‌كانی داعش و رێگرتن له‌ كاره‌ تیرۆریستییه‌ تاوانكارییه‌كان كه‌ ھاووڵاتییان ده‌كاته‌ ئامانج، ھه‌روه‌ھا دووپاتكرایه‌وه‌ له‌ گرنگی سازان و یه‌كڕیزی نیشتمانی و كۆتایی ھێنان به‌ كێشه‌كان به‌ ئاڕاسته‌ی پاراستنی په‌رژه‌وه‌ندییه‌ نیشتمانییه‌كان.

PUKmedia