riklam

بافڵ جه‌لال تاڵه‌بانی باڵه‌خانه‌یه‌ك بۆ كۆلێژی سه‌یدساق دروستده‌كات

کوردستان 05:55 PM - 2021-12-08
  بافڵ جه‌لال تاڵه‌بانی و ئه‌یوب سلێمان

بافڵ جه‌لال تاڵه‌بانی و ئه‌یوب سلێمان

له‌لایه‌ن بافڵ جه‌لال تاڵه‌بانییه‌وه‌ بڕیاری دروستكردنی باڵه‌خانه‌یه‌كی سێ نهۆمی بۆ كۆلێژی سه‌یدسادق ده‌درێت و نوێنه‌ری خوێندكاری ئه‌و شارۆچكه‌یه‌ش سوپاسی هه‌ڵوێستی بافڵ جه‌لال تاڵه‌بانی ده‌كات.

ئه‌یوب سلێمان نوێنه‌ری خوێندكارانی كۆلێژی سه‌یدسادق له‌و باره‌یه‌وه‌ به‌ PUKmedia ی راگه‌یاند: له‌كۆبوونه‌مان له‌گه‌ڵ بافڵ جه‌لال تاڵه‌بانی كه‌ نزیكه‌ی 10 سه‌عاتی خایاند، وه‌ك نوێنه‌ری خوێندكارانی ئه‌و شارۆچكه‌یه‌ داوام له‌ بافڵ جه‌لال تاڵه‌بانی كرد كه‌ باڵه‌خانه‌یه‌كی سێ نهۆمی بۆ كۆلێژی سه‌یدسادق له‌سه‌ر ئه‌ركی خۆی دروستبكات، ئه‌ویش به‌خۆشحاڵیه‌وه‌ منی بانگ كرده‌ لای خۆی و به‌ڵێنیدا كه‌ هه‌ر ئه‌مساڵ ئه‌و پرۆژه‌یه‌ له‌سه‌ر ئه‌ركی خۆی بخاته‌ بواری جێبه‌جێكردنه‌وه‌.

 وتیشی: دروستكردنی باڵه‌خانه‌یه‌ك به‌سه‌رجه‌م پێداویستییه‌كانییه‌وه‌ بۆ شارۆچكه‌كه‌ گرنگی خۆی هه‌یه‌ و جگه‌ له‌وه‌ی پرۆسه‌ی خوێندن ده‌خاته‌ قۆناغێكی نوێوه‌، بێگومان جموجوڵێكی ئابووری باشیش ده‌خاته‌ شارۆچكه‌كه‌وه‌.

 ئه‌وه‌شی خسته‌ڕوو: بافڵ جه‌لال تاڵه‌بانی به‌ڵێنیدا كه‌ هه‌ر ئه‌مساڵ ئه‌و پرۆژه‌یه‌ بكه‌وێته‌ بواری جێبه‌جێكردنه‌وه‌، هه‌روه‌ها باڵه‌خانه‌كه‌ له‌لایه‌ن شاره‌وانی سه‌یدسادقه‌وه‌ شوێنی بۆ دیاریی كراوه‌و له‌سه‌ر رووبه‌ڕی 12 دۆنم دروستده‌كرێت و به‌نزیكه‌ی 2000 خوێندكار ده‌توانن له‌م باڵه‌خانه‌یه‌ سودمه‌ندبن.

نوێنه‌ری خوێندكارانی كۆلێژی سه‌یدسادق ئاماژه‌ی بۆ ئه‌وه‌شكرد: ئه‌و داواكارییه‌م له‌چوارچێویه‌ی دوو مه‌به‌ست هات، یه‌كه‌م وه‌ك ره‌مزێك بۆ شه‌هیدبوونی سێ خوێندكار له‌ساڵانی رابردوودا كه‌ داوای مافه‌ ره‌واكانی خۆیان كردبوو، دووه‌م ئه‌م داوایه‌م داوای یه‌كێك له‌ شه‌هیده‌ خوێندكاراه‌كان بوو كه‌ له‌كاتی خۆپیشاندانه‌كانی چه‌ند ساڵی رابردوو ئه‌و په‌یامه‌ی به‌رزكردبوه‌وه‌.

ئه‌وه‌شی نه‌شارده‌وه‌، كه‌ له‌كۆبوونه‌وه‌كه‌مان له‌گه‌ڵ بافڵ جه‌لال تاڵه‌بانی زۆر به‌ وردی گوێی له‌داواكارییه‌كانی سه‌رجه‌م خوێندكاران گرت و به‌ڵێنیدا هه‌ر كارێك به‌و بكرێت بێ دوو دڵی بۆیان ئه‌نجامده‌دات و هه‌نگاوه‌كانی به‌ڵێنه‌كانیشی ده‌ستیپێكردوه‌.

PUKmedia  محه‌مه‌د عه‌بدولڕه‌حمان / شاره‌زوور

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket