riklam

قوباد تاڵه‌‌بانی: میخائیل بۆگدانۆڤ دۆستێكی دێرینی گه‌لی كورده

کوردستان 08:43 PM - 2021-12-01

قوباد تاڵه‌‌بانی، جێگری سه‌‌رۆكی ئه‌‌نجومه‌‌نی وه‌‌زیران له‌ كۆبوونه‌وه‌یه‌كدا له‌گه‌ڵ میخائیل بۆگدانۆڤ نوێنه‌ری تایبه‌تی سه‌رۆكی رووسیا بۆ كاروباری ڕۆژهه‌ڵاتی ناوه‌ڕاست و ئه‌فریقا وجێگری وه‌زیری ده‌ره‌وه‌، رایگه‌یاند: به‌شێك له‌ كێشه‌كانی هه‌رێمی كوردستان له‌ به‌غدا چاره‌سه‌ر ده‌كرێن و پێویسته‌ كورد یه‌كده‌نگ بێت به‌تایبه‌ت له‌م كاته‌ هه‌ستیاره‌دا.

 له‌‌كۆبوونه‌‌وه‌‌كه‌‌دا كه‌‌ ئه‌مڕۆ چوارشه‌ممه‌ 1ی دیسه‌مبه‌ری 2021 له‌‌ھه‌‌ولێر به‌‌ڕێوه‌‌چوو، دابان شه‌ده‌ڵه‌ جێگری به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ و كونسڵی رووسیا ئاماده‌ی بوون، قوباد تاڵه‌‌بانی و میخائیل بۆگدانۆڤ، باسیان له‌ دواپێشهاته‌ سیاسییه‌كان و ره‌وشی عێراق و ناوچه‌كه‌ و په‌یوه‌ندییه‌ دووقۆڵییه‌كان كرد.

له‌باره‌ی په‌یوه‌ندی نێوان رووسیا و هه‌رێمی كوردستان، میخائیل بۆگدانۆڤ باسی له‌ پێگه‌ی گرنگی هه‌رێمی كوردستان و په‌یوه‌ندیی مێژوویی وڵاته‌كه‌ی له‌گه‌ڵ هه‌رێمی كوردستان كرد و ئاماژه‌ی به‌رۆڵی گرنگی سه‌رۆك مام جه‌لال له‌ پته‌و كردنی ئه‌و په‌یوه‌ندییانه‌ كرد.
 قوباد تاڵه‌بانی خۆشحاڵی خۆی ده‌ربڕی به‌سه‌ردانی به‌ڕێزیان و به‌ دۆستێكی دێرینی گه‌لی كوردی وه‌سف كرد، دواتر باسی له‌ده‌رئه‌نجامی هه‌ڵبژاردنه‌كانی په‌رله‌مانی عێراق كرد و ئاماژه‌ی به‌وه‌دا كه‌ چاوه‌ڕێین له‌م نزیكانه‌دا ده‌ستبكرێت به‌ گفتوگۆی پێكهێنانی حكومه‌تی نوێ له‌ عێراق و جه‌ختیشی كرده‌وه‌ كه‌: چاره‌سه‌ر كردنی به‌شێك له‌ كێشه‌كانی هه‌رێمی كوردستان له‌ به‌غدا ده‌كرێت، هه‌روه‌ها ئاماژه‌ی به‌ گرنگی یه‌كده‌نگیی لایه‌نه‌ كوردستانییه‌كان-دا به‌تایبه‌ت له‌م كاته‌ هه‌ستیاره‌دا.
له‌باره‌ی ره‌وشی عێراق، جێگری سه‌رۆكی ئه‌نجومه‌نی وه‌زیران وتی: له‌ عێراق كێشه‌ی نه‌بوونی پلانمان هه‌یه‌ له‌ هه‌ندێك بابه‌تدا، له‌گه‌ڵ نه‌بوونی جیاوازی له‌ سیاسه‌تی لایه‌نه‌ سیاسییه‌كان، بۆیه‌ ئه‌و گفتوگۆیانه‌ی كه‌په‌یوه‌ستن به‌پێكهێنانی حكومه‌ته‌وه‌ له‌سه‌ر سیاسه‌تی چۆنیه‌تی به‌رێوه‌بردن و حوكمڕانی نیه‌ به‌ڵكو له‌سه‌ر وه‌رگرتنی پۆسته‌كان ده‌بێت.

له‌به‌شێكیتری كۆبوونه‌وه‌كه‌دا باس له‌ شه‌ڕی دژ به‌ تێرۆریستانی داعش كرا و له‌وباره‌یه‌وه‌ قوباد تاڵه‌بانی ئاماژه‌ی به‌وه‌دا كه‌ ئه‌و شه‌ڕه‌ هێشتا ماوه‌ و ئاماژه‌ی به‌ هێرشه‌كانی چه‌ند رۆژی رابردوو دا كه‌تێیدا به‌داخه‌وه‌ چه‌ند پێشمه‌رگه‌یه‌كمان شه‌هید و برینداربوون بوو.

هه‌ر له‌وكۆبوونه‌وه‌یه‌ باس له‌ ره‌وشی سوریا و كێشه‌ی كۆچبه‌ران كرا.

له‌كۆتاییدا، پرسی كاركردن و هاتنی كۆمپانیا رووسییه‌كان بۆ هه‌رێمی كوردستان و وه‌به‌رهێنان له‌ بواره‌ جیاجیاكاندا خرایه‌ به‌رباس و جێگری سه‌رۆك وه‌زیران دڵنیای كردنه‌وه‌ كه‌ ئاسانكاری ده‌كه‌ن بۆ ئه‌وه‌ی سود له‌ تواناكانی ئه‌وان ببینن. 
PUKmedia 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket