}

راوێژكارێكی سه‌رۆك وه‌زیران زانیاری گرنگ له‌سه‌ر بودجه‌ی 2022 ئاشكراده‌كات

عیراق 02:21 PM - 2021-11-29

راوێژكارێكی سه‌رۆك وه‌زیرانی عیراق ده‌ڵێت، له‌ بودجه‌ی ساڵی 2022 دا پله‌ی وه‌زیفی و پڕۆژه‌ی وه‌به‌رھێنان ھه‌یه‌.

مه‌زھه‌ر محه‌مه‌د ساڵح راوێژكاری ئابووری مسته‌فا كازمی سه‌رۆك وه‌زیرانی عیراق رایگه‌یاندووه‌، پڕۆژه‌یاسای بودجه‌ی ساڵی 2022 ی عیراق سكھه‌ڵگوشین نابێت و جه‌ختیش ده‌كاته‌وه‌ له‌سه‌ر جێبه‌جێكردنی پڕۆژه‌ی وه‌به‌رھێنان و پله‌ی وه‌زیفی و دامه‌زراندنی ساڵانه‌ بۆ كه‌رتی ته‌ندروستی و كه‌رته‌كانی تریش له‌خۆده‌گرێت. 

وتیشی: گۆڕانكارییه‌كانی بازاڕی نه‌وت و ئابوری جیھان كاریگه‌ری له‌سه‌ر پڕۆژه‌یاسای بودجه‌ی ساڵی داھاتوو ده‌بێت، به‌ڵام ھه‌موو ھه‌وڵێك ده‌درێت كه‌ پڕۆژه‌ یاساكه‌ كه‌مترین قه‌رزی تێدا بێت ته‌نھا بۆ پێویستی نه‌بێت. 

ئاماژه‌ی به‌وه‌شكرد، به‌رزبوونه‌وه‌ی داھاتی نه‌وت رۆڵی خۆی ده‌بێت له‌ جێبه‌جێكردنی پڕۆژه‌كانی وه‌به‌رھێنان و زیادكردنی به‌رھه‌می ناوخۆ.

PUKmedia راگه‌یاندنه‌كانی عیراق 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket