}

بڕۆ بیلاڕوس نیوەی رێت بێت

بیروڕا 03:29 PM - 2021-11-28

سەرهەد عەلی 
لە هاواری سەرای سلێمانیەوە كە دروشمی ئازادی هەڵگرتبوو، لەبەردەم دیكتاتۆرێكی گەورەتردا پاكانە بۆ سەدام دەكات ‌و دەیكاتە باوك، بێ ئاگا لەوەی ژنی رووسوری كورد نەك هەم نشینی سەدامی نەویستووە، بەڵكو جەسورانە لە زیندان ‌و بەرەكانی تێكۆشاندا كۆشك ‌و تەلارەكانی ئەم دیكتاتۆرەی هەژاندوە ‌و پارێزگاری لە حورمەت ‌و كەرامەتی خۆی ‌و نەتەوەكەی كردووە، بەڵام پێدەچێت خەیاڵی (بەهادین)ی هەڵگری پاشناوی (سەرای ئازادی) حەنین بێت بۆ لەدەستچوونی رۆژگارێك كە فریا نەكەوتووە رۆڵەیەكی گوێڕایەڵی سەدام بێت. لەبەرئەوە دەزانین ئوەوە زڕباوكێتی نەك باوك.
پارانەوە ‌و خۆبچووككردنەوەی (بەهادین) لەبەردەم (ئەلیكساندەر لۆكاشینكۆ) ی گەورە دیكتاتۆری بیلاروس، كە هەرچەند مانگێك پێش ئێستا زیندانەكانی پڕ كرد لە رۆژنامەنووس ‌و ئازادیخواز، تەنها هەوڵێك نیە بۆ خۆچەماندنەوەی كەسیی، بەڵكو بە ئامانجگرتنی نەتەوە ‌و بزوتنەوە سیاسیەكەشیەتی، كە كەسێك تەنها لەپێناو خۆدەرخستن ‌و نمایش لەپەنای دیكتاتۆرێكدا ستایشی دیكتاتۆرێكی تر دەكات، لە تەنیشت ستەمكارێكەوە بۆ شان ‌و باڵی ستەمكارێكی تر شانامە دەهۆنێتەوە، ئەم دووفاقی ‌و ئابروچوونە بە تەنها لەكەی نێوچەوانی بەهادین نیە، بەڵكو هی بەشێك لە ئەوانەشە كە لە سەرای ئازادی ‌و لەپەنای ئەوەوە سواری شەپۆلی ناڕازییەكان بوون ‌و بانگەشەی ئازادی ‌و یەكسانی ‌و وەكیەكیان دەكرد، هەر بۆیەش كۆی ئەوانەی لەو بزوتنەوە میللیە هاوبەشی بەهادین بوون، هەقە بە ڕاست ‌و ڕەوانی خۆیان لەو پاكانەكردنەی بەهادین پاك بكەنەوە، كە بەوپەڕی بێ شەرمیەوە دیكتاتۆرێك بە باوكی دەبینێ. 
دەبێ ئەوانە پێش ئەوەی داوا لە خەڵك بكەن خۆیان لەم دەسەڵاتە سیاسیەی كوردستان بێبەری بكەن، لەپێشدا لە رۆحی شەڕانگێزی ئەم بەهادینە بێبەری بكەن ‌و بڵێن ئەم دیكتاتۆرخوازە لە میللەتی ئێمە نییە لە میللەتی شەرمەزاری ‌و لەكەیە بە ناوچەوانی ئۆپۆزسیۆن بوونەوە.

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket