عیراق.. ئەنجامی هەڵبژاردنەكان ڕەوانەی دادگای فیدڕاڵی دەكرێت

بەمەبەستی پەسەندكردنی ئەنجامی كۆتایی هەڵبژاردنەكان، كۆمیسیۆنی باڵای سەربەخۆی هەڵبژاردنەكان هەفتەی داهاتوو ڕەوانەی دادگای فیدڕاڵی دەكرێت. 

ئەمڕۆ پێنجشەممە 25-11-2021 كۆمیسیۆنی باڵای سەربەخۆی هەڵبژاردنەكانی عیراق لەڕاگەیەنراوێكدا ڕایگەیاند: پڕۆسەی ژماردنەوەی دەستی سەرجەم وێستگە تانەلێدراوەكانی عیراق كۆتایی هاتووە و دەركەوتووە ئەنجامەكان بە دەستی 100% هاوتای ژماردنە ئەلكترۆنی دەنگەكان بووە. 

 ڕاشیگەیاندووە سەرجەم ئەنجامەكان بۆ دەستەی دادوەری كۆمیسیۆنی باڵای سەربەخۆی هەڵبژاردنەكان بەرز دەكرێتەوە و هەفتەی داهاتوو ڕەوانەی دادگای فیدڕاڵی دەكرێت بەمەبەستی پەسەندكردنی ئەنجامەكان.

هەڵبژاردنە پەرلەمانییەكەی عیراق ڕۆژی 10 ی مانگی تشرینی یەكەم لەسەرتاسەری عیراق بەڕێوەچوو. 

PUKmedia ئاژانسەكان