سلێمانی.. پرۆژه‌یه‌ك بۆ شه‌قامی سالم ئه‌نجامده‌درێت

به‌سه‌رپه‌رشتی به‌ڕێوه‌به‌رایه‌تی گشتی كاره‌بای سلێمانی، له‌سه‌ر بودجه‌ی داهاتی (8%) كاره‌با به‌ بڕی (177) ملیۆن دینار قۆناغی دووه‌می پرۆژه‌ی نۆژه‌نكردنه‌وه‌ی تۆری روناكی شه‌قامی سالم له‌سلێمانی جێبه‌جێ ده‌كرێت.

پرۆژه‌كه‌ بریتیه‌ نۆژه‌نكردنه‌وه‌ی ته‌واوی تۆڕی رووناكی (ئیناره‌)ی شه‌قامی سالم له‌ پردی خه‌سره‌وخاڵ تا سه‌هۆڵه‌كه‌، كه‌ خۆی ده‌بینێته‌وه‌ له‌ دانانی ستونی نوێ و گۆڕینی گڵۆپه‌كان به‌ لید.

كۆی تێچووی پرۆژه‌كه‌ بریتیه‌ له‌ (177.728.000) سه‌دو حه‌فتاو حه‌وت ملیۆن و حه‌وسه‌دو بیست و هه‌شت هه‌زار دینار، پرۆژكه‌ش  له‌لایه‌ن كۆمپانیای (په‌ڕه‌ژاڵ) جێبه‌جێ ده‌كرێت و بڕیاره‌ له‌ماوه‌ی (150) رۆژدا ته‌واو بكرێت.

PUKmedia راگه‌یاندنی به‌ڕێوه‌به‌رایه‌تی گشتی كاره‌بای سلێمانی