میسر زانیاریە نهێنییەکانی فەرەنسا بەکاردەهێنێت
جیهان 04:10 PM - 2021-11-24
سەرچاوەیەک لە میدایی بە دواداچون و لێکۆڵینەوە لە فەرەنسا( ئەنڤێستیگاسییون دیکلۆز) ، لە ڕاپۆڕتێکیدا ئاشکرای کردوە ، کە وڵاتی میسر بە هاوکاری یارمەتی سەربازی فەرەنسی بەمەبەستی خەباتی هاوبەش دژی تیرۆریست و جیهادیەکان ، ژمارەیەک بۆردومانی ئەنجامداوە و خەڵکی مەدەنی کوشتووە ، بەوەدەچێت ئەم پەیوەندیە ستراتیجیە سەربازییەی نێوان میسر و فەرەنسا بەرەوتێکچوون بچێت .
لە ساڵی 2016 وە فەرەنسا زانیاری گرنگ و نهێنی سەربازی ئەدات بە وەزارەتی بەرگری میسر ئەم ئاڵووگۆڕی زانیاریانەش بە مەبەستی خەباتی هاوبەشی هەردوو وڵاتە دژی جموجۆڵی جیهادی و تیرۆریستان لەسەر سنوری میسر و لییبیا ، میدیای ( ئەنڤێستیگاسییون دیکلۆز) لەم بارەیەوە لەڕاپۆرتێکیدا کە لە ڕۆژی 21ی نۆڤەمبەردا بڵاوبۆوە ، ئەڵێت کە لە ساڵی 2016 وە تا ساڵی 2019 وە هێزە ئاسمانیەکانی میسر چەند جار بۆردومانی لەسەر سنوری میسر و لییبیا ئەنجام داوە و زۆربەشیان کۆچبەران و بازرگانانی مادە هۆشبەرەکان و خەڵکی مەدەنی بێتاوان تێیدا دەستنیشانکراوە .
هەر بەپێی بەدواداچونی میدیای تایبەت بە ڵێکۆڵینەوە و بەدوادا چوون (ئەنڤێستیگاسییون دیلکۆز) بۆیان ئاشکرا بووە کە میسر ئەو زانیارییە نهێنییە سەربازیانەی فەرەنسایان هەڵگەڕانۆتەوە بە بیانوی بەرەنگاربونەوە و بەدواداگەرانی تیرۆریست و جیهادیەکان ، بۆ بۆمباردومانی خەڵکی سیڤیل.
ئەو میدیا تایبەتە بە لێکۆڵینەوەیە ، توانیویەتی ئەو بەڵگانەی دەستکەوێت سەبارەت بەم بابەتە، کە تایبەتە بە وەزارەتی بەرگری فەرەنسا و نهێنییە ، و تێیدا ئەو رێکەوتنەی نێوان میسر و فەرەنساش دەستی ڕۆژنامەنووسانی ئەو میدیایە کەوتووە کە برێتییە لە رێکەوتنی ئاڵوگۆڕی زانییاری نهێنی فەرەنسا بۆ میسر تایبەت بە چاودێری کردنی سنوری نێوان میسر و لییبیا لە ( بیابانی ڕۆژئاوا) لە ئەگەری هەرەشەکردنی جیهادیەکان و دزەکردنی تیرۆریستانی داعش بۆ ناو میسر ، ئەم زانیاریانە لە ڕێگای فرۆکەیەکی کێش سووک تایبەت بە زانیاری و چاودێریکەر کە لەلایەن بەرێوەبەرایەتی زانیاری سەربازی فەرەنساوە بەکارئەهێنرێت بۆ ئەو مەبەستە ، هەروەها لە راپۆرتی ( ئەنڤێستیگاسییون) هاتوە کە فەرەنسا لە ساڵی 2016 وە تیمێکی سەربازی شارەرەزا لە بواری دژەتیرۆر ژمارەیان 8 ئەفسەرە ناردوە بۆ میسر و لە یەکێک بازنە سەربازیەکانی ئەو وڵاتەدا هاوکات لەگەڵ هێزە دژەتیرۆرەکانی میسردا کار ئەکەن و لە ڕیگای فرۆکەی تایبەت بە کۆکردنەوەی زانیاری و بەدواداچون و چاودێری تئرۆریستان لەسەر سنوری میسر و لییبیا .
بەڕێوەبەرایەتی زانیاری سەربازی سەر بە وەزارەتی بەرگری فەرەنسا لەلای خۆیەوە ، نیگەرانی خۆی خستەڕو سەبارەت بە ئاشکراکەدنی ئەو زانیاریانە و ڕاگەیاندن ،،ئەو زانیاریانە بە مەبەستی کۆکردنەوەی زانیاری هاوبەشبووە بۆ ئەوەی باردۆخەکە هەڵسەنگێنین لە ڕاستی هەڕەشە و ناسینی ئەو گروپە چەکدارانەی لەو ناوچانەدان و شێوەی چالاکیەکانیان .
هەروەها بەڕیوەبەرایەتی زانیاری هێزە ئاسمانیەکانی فەرەنسا لای خۆیەوە ڕایگەیاند کە نیگەرانە بە ئەنجامی ئەو ئەو بۆمباردمانانەی میسر ، هەروەها ڕایانگەیاند کە ئەم هەواڵە ئەکرێتە ڕاپۆرتێک بۆ سەرۆک کۆمار ئیمانیول ماکرۆن ئەمڕۆ سێشەممە ڕیکەوتی 23 ی نۆڤەمبەر ، هەروەها ڕۆژی یەک شەممەی ڕابوردو فلۆرەنس پاڕلی وەزیری بەرگری فەرەنسا داوای لێکۆڵینەوەی کرد لە لەسەر ووروژاندن و ئاشکراکردنی ئەو زانیاریانە لەلایەن میدیای ( ئەنڤێستیگاسییون ) ە وە لەم بارەیەوە ووتی ،، میسر شەریکی فەرەنسایە هەروەک زۆر لە وڵاتانی تر ، فەرەنسا و میسر بە بەردەوامی لە هەوڵی پتەوکردنی پەیوەندیەکانیانن لە چوارچێوەی گؤڕینەوەی زانیاری بەمەبەستی خەباتی هاوبەشمان دژی تیرۆریستان ، هەروەها بۆ خزمەتی پاراستنی ئاسایشی فەرەنسا لە هەمانکاتدا ، هەوروەها ووتی ناتوانم ووردەکاری و زانیاریەکانتان سەبارەت بە سروشتی ئەو پەیوەندیانە ئاشکرا بکەم ئەویش بۆ مەبەستی راگرتنی نهێنی ئالیاتی نهێنی پەیوەندی نێوانمان .
ئەوەی شایەنی باسە میسر یەکێکە لە مشتەریە سەرەکیەکانی کڕینی چەک و کەلوپەلی سەربازی لە فەرەنسا و دوایی ئەوەی عەبدوالفتاح سیسی هاتە سەر حوکم لەساڵی 2014 وە فرۆشتنی چەک بە میسر بە شێوەیەکی بەرچاو گەشەیکردوە ، بەتایبەتی لە نێوان ساڵەکانی 2014 و 2016 دا میسر فرۆکەی جەنگی ( ڕافاڵ ) و دوو هەڵگری هیلیکۆپتەری لە فەرەنسا کڕی .
پەیوەندی نێوان میسر و فەرەنسا هەمیشە لە باشیدا بووە هەتائێستاش گرنگی ئەدرێت بەو پەیوەندیە ، سەرۆک سیسی لە ساڵی 2020 دا پێشوزیلێکرا لە پاریس ، لەو سەردانەی سیسی دا بۆ پاریس ئیمانیول ماکرۆن ، مەدالیایی خاجی شەرەفی گەورەی پێبەخشی ، کە برێتیە لە بەرزترین مەدالیای فەخری فەرەنسی کە ئەبەخشرێت بە هەندێک لە کەسایەتیە تایبەتیەکان لە سەر ئاستێکی باڵا و جیهانیدا ، دواسەردانی سەرۆکی میسر بۆ پاریس ئەگەڕێتەوە بۆ 12 ی نۆڤەمبەر 2021 بۆ بەشداریکردنی لە کۆنفرانسی جیهانی بۆ پشتگیری لە لییبیا .
رێکخراوە ناحکومەییەکان لە بواری داکۆکی لە مافی مرۆڤدا ، نیگەرانن لەو پەیوەندیە تووندو بەهێزەی فەرەنسا لەگەڵ میسردا ، پێیانوایە کە کە میسر یەکێکە لەو وڵاتانەی کە مافی مرۆڤ تێیدا پێشێلکراوە و ئەو چەکانەی فەرەنسا بە میسری ئەفرۆشێت بۆ کوشتنی خەڵکی مەدەنی بێتاوانی میسری بەکاردێت جگە لەگرتنو ئەشکەنجەدانی ژمارەیەکی زۆر لە زیندانەکانیاندا ، پێیان وایە کە سەرۆکی مسر عبدوالفتاح سیسی لەو کاتەوەی دەسەڵاتی وەرگرتوە بەهیچ شێوەیەک ڕێزی لەمافی مرۆڤ نەگرتوە و بەردەوامە لە پێشێلکردنی ئازادی ڕادەڕبڕین و دیموکراسی لەو وڵاتەدا ، هەورەها سەبارەت بەوەی کە میسر سوود لەو زانیاریە سەربازیانەی فەرەنسا وەریئەگرێت بۆ پاکردنەوەی تیرۆریستان لەسەر سنورەکانی لەگەڵ لییبیا ، ڕایانگەیاند کە میسر بە بیانوی جیا جیا خەڵی بێتاوانی میسری لەسەر ئەو سنورانە بە بۆمباردومانکردن ئەکوژێت .
ئەم جۆرە سیاسەتەی وڵاتی میسر بەرامبەر بە هاووڵاتیانی ، ڕەتدانەوەی زۆری لێکەوتۆتەوە لەسەر تۆڕەکۆمەڵایەتیەکان و میدیاکاند.
PUKmedia حەمە عوسمان
فەرەنسا
س/ میدیاکانی فەرەنسا
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
داهاتی هەفتەی رابردووی سلێمانی زیاتر لە 7 ملیار دینارە
09:09 AM - 2024-04-19
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
05:05 PM - 2024-04-18
زۆرترین خوێنراو
-
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
کوردستان 02:02 PM - 2024-04-19 -
پێشمەرگەی دێرین سەردار محەمەد بەسەردەکرێتەوە
ی ن ک 01:01 PM - 2024-04-19 -
پەرلەمانتارە غائیبەکان 160 ملیۆن دینار سزادران
عیراق 10:43 AM - 2024-04-19 -
داهاتی هەفتەی رابردووی سلێمانی زیاتر لە 7 ملیار دینارە
کوردستان 09:09 AM - 2024-04-19