قوباد تاڵه‌بانی سه‌ره‌خۆشی له‌بنه‌ماڵه‌ی نه‌عیم عه‌بدولحه‌مید گوێڕی ده‌كات

به‌بۆنه‌ی كۆچی دوایی نه‌عیم عه‌بدولحه‌مید گوێڕی، قوباد تاڵه‌بانی جێگری سه‌‌رۆكی ئه‌‌نجومه‌‌نی وه‌‌زیران پرسه‌نامه‌یه‌ك ئاڕاسته‌ ده‌كات كه‌ ئه‌مه‌ ده‌قه‌كه‌یه‌تی: 
به‌‌ڕێزان خانه‌واده‌ و كه‌سوكاری خوالێخۆشبوو نعیم عبدالحمید گوێڕی
زۆر دڵگران بووین به‌ بیستنی هه‌واڵی كۆچی دوایی خاتوو نه‌عیم عبدالحمید گوێڕی خوشكی مه‌لا مه‌جید گوێڕی و پوری شه‌هیدان مامۆستا شاخه‌وان و لیوا ركن سه‌فین. 
به‌م بۆنه‌ دڵته‌زێنه‌وه‌ له‌ ناخی دڵمانه‌وه‌ پرسه‌ و سه‌ره‌خۆشی ئاراسته‌ی خانه‌واده‌ كوردپه‌روه‌ر و نیشتمانپه‌روه‌ره‌كه‌تان ده‌كه‌ین و خۆمان به‌ هاوبه‌شی خه‌متان ده‌زانین. 
داواكارم خوای گه‌وره‌ روحی كۆچكردوو به‌ به‌هه‌شت شاد بكات و سه‌بوری به‌ ئێوه‌ و هه‌موو لایه‌ك ببه‌خشێت.

إنا لله وإنا إلیه راجعون

قوباد تاڵه‌بانی
جێگری سه‌‌رۆكی ئه‌‌نجومه‌‌نی وه‌‌زیران
PUKmedia