هەولێر.. كۆنگرەی حەوتەمی حزبی شیوعی كوردستان بەڕێودەچێت

بە بەشداری كردنی زیاتر لە 175 ئەندام، كۆنگرەی حەوتەمی حزبی شیوعی كوردستان لەشاری هەولێر بەڕێوەدەچێت.

لەوبارەیەوە كوردۆ ساڵح بەرپرسی كۆمیتەی پارێزگای هەولێری حزبی شیوعی كوردستان بە PUKmedia ی ڕاگەیاند: بە دروشمی ئازادی و دیموكراسی و مافی بڕیاردانی چارەنووس و سۆسیالیزم هەموو چوار ساڵ جارێك حزبی شیوعی كوردستان كۆنگرەی خۆی دەبەستێت، بەڵام بەهۆی پەتای كۆرۆنا نەمانتوانی كۆنگرەی حەوتەم لەكاتی خۆی ببەستین.  

وتیشی: دوای تەواوبوونی تەواوی ڕاپۆرتەكانی تایبەت بە كۆنگرە، ئەمڕۆ كارەكانی كۆنگرە دەستپێدەكەین. 

ئاماژەی بەوەشكرد، گفتوگۆ لەسەرهەموو ڕاپۆرتەكان دەكرێت كە لەلایەن ڕێكخستنەكان ئامادەكراوە بۆ چاكسازی دەنگی لەسەر دەدرێت و بڕیارە گۆڕانكاری لەسەرجەم ئۆرگاكانی حزب بەشێوازێكی مۆدێڕن و تازە بكرێت. 
PUKmedia بیلال بەرزان – هەولێر