زانكۆی گه‌رمیان فۆڕم به‌سه‌ر خوێندكارانی ناوچه‌ دابڕێنراوه‌كان دابه‌ش ده‌كات

زانكۆی گه‌رمیان فۆڕمی راسته‌وخۆ بۆ خوێندكارانی ناوچه‌ دابڕێنراوه‌كان دابه‌ش ده‌كات و له‌ ئه‌مڕۆوه‌ خوێندكاران ده‌توانن فۆڕم وه‌ربگرن.

زانكۆی گه‌رمیان له‌ راگه‌یه‌نراوێكدا بڵاویكرده‌وه‌، داواكاری خوێندكارانی ده‌رچووی ئاماده‌ییه‌كانی خانه‌قین و ناوچه‌كانی ده‌وروبه‌ری به‌مه‌به‌ستی دابه‌شكردنی فۆرمی راسته‌وخۆ به‌ وه‌رگرتنیان له‌ زانكۆ و په‌یمانگاكانی سه‌ر به‌ ھه‌رێمی كوردستان په‌سه‌ند كران و خوێندكارانی به‌شی زانستی و وێژه‌یی و ئاماده‌ییه‌ پیشه‌سازییه‌كانی سنووری جه‌له‌ولا و سه‌عدیه‌ و قه‌ره‌ته‌په‌ و جه‌باره‌ و مه‌نده‌لی ده‌توانن فۆڕم پڕبكه‌نه‌وه‌. ئاماژه‌ی بۆ ئه‌وه‌شكردووه‌، دابه‌شكردنی فۆڕمه‌كان له‌ ھۆبه‌ی تۆمار له‌ كه‌مپی كۆلێژی زمان و زانسته‌ مرۆڤایه‌تییه‌كان له‌ شاری خانه‌قین بۆ ماوه‌ی ھه‌فته‌یه‌ك دابه‌شده‌كرێت و له‌ ئه‌مڕۆوه‌ ده‌ست پێده‌كات تا ٤ی تشرینی دووه‌م به‌رده‌وام ده‌بێت.

PUKmedia