کۆبوونەوەی وڵاتانی دراوسێی ئەفغانستان لە تاران بەڕێودەچێت

بڕیارە ئەمڕۆ چوارشەممە 27-10-2021 دووەمین كۆبوونەوەی وەزیرانی دەرەوەی وڵاتانی دراوسێی ئەفغانستان  بەمەبەستی تاوتوێكردنی دۆخی ئەو وڵاتە لە تارانی پایتەختی كۆماری ئیسلامی ئێران دەستپێبكات.

وەزیرانی دەرەوەی پاكستان، توركمانستان، تاجیكستان، ئۆزبكستان و ئەفغانستان و ئێران و هەروەها وەزیرانی دەرەوەی روسیا و چین بەشداری دەكەن و هاوكاتیش پەیامی سكرتێری گشتی ڕێكخراوی نەتەوە یەكگرتووەكان دەخوێندرێتەوە و تاوتوێی دۆخی ئەفغانستان دەكرێت. 

یەكەمین كۆبوونەوەی وەزیرانی دەرەوەی وڵاتانی دراوسێی ئەفغانستان مانگی 8 ی ئەمساڵ لە پاكستان بەڕێوەچوو. 

PUKmedia ئاژانسەكانی ئێران