دیالە .. داعش هێرشێكی خوێناوی دەكاتە سەر گوندێك

ئەمشەو تیرۆرستانی داعش پەلاماری گوندی رەشادیان لەسنوری قەزای شارەبانی دیالە ئەنجامداوەو كوژراو بریندار هەیە.
عەباس محەمەد چالاكوانی سیاسی لە دیالە بۆ PUKmedia ووتی: ئەمشەو ژمارەیەك تیرۆرستی داعش هێرشیان كردوەتە سەر گوندی رەشادی سەربە قەزای شارەبان لەدیالە.
وتیشی: لەئەنجامدا دانیشتوانی گوندەكە روبەڕوویان بوونەتەوەو شەڕی سەخت روویداوە.
باسی لەوەشكرد: بەپێی زانیاریە سەرەتاییەكان 11هاووڵاتی كوژراون و زیاتر لە 15ی تریش بریندربوون.
PUKmedia سامان یاروەیس