نائارامییەكانی سودان كوژراو و برینداری لێدەكەوێتەوە

پاش ئەوەی دوێنێ كودەتایەكی سەربازی لە سودان ڕوویدا، ئەمڕۆ كودەتاچییەكان تەقەیان لە هاووڵاتیان كرد و ژمارەیەك بریندار و كوژراوی لێكەوتەوە.

پاش ئەوەی عەبدوڵڵا حمدوك سەرۆك وەزیرانی دەستبەسەركراوی سودان لە پەیامێكدا داوای لەهاوڵاتییەكان كرد بڕژێنە سەر شەقامەكان و ناڕەزایەتی خۆیان لەبەرامبەر كودەتاچییەكان دەبڕن، ژمارەیەكی چەكداری سەر بە كودەتاچییەكان تەقەیان لەهاووڵاتیان كرد و بەپێی زانیارییە سەرەتاییەكان تا ئێستا 7كەس كوژراون و دەیان كەسیش برینداربوون. 

خۆپیشاندەرانی سودان داوای ئازادكردنی سەرۆك وەزیرانی وڵاتەكەیان دەكەن و خوازیاری ئەوەن كە حكومەتی كاتی بگەڕێتەوە سەر كاروباری خۆی. 

كودەتاچییەكان حاڵەتی نائاساییان لەسەرتاسەری وڵات ڕاگەیاندووە و لەئێستادا نائارامی باڵی بەسەر ئەو وڵاتەدا كێشاوە هێڵی ئینتەرنێت پچڕاوە و پەیوەندی ئەو وڵاتە لەگەڵ دەرەوە نەماوە. 

دوای لەسەركارلابردن عومەر حەسەن بەشیر سەرۆك كۆمار لە ساڵی 2019 تا ئێستا عەبدوڵڵا حمدوك سەرۆك وەزیرانی ئەو وڵاتەیە.  
PUKmedia ئاژانسەكان