كشتوكاڵی هه‌رێم: هێشتا زووه‌ بۆ ئه‌مساڵ باس له‌ وشكه‌ساڵی بكرێت

له‌گه‌ڵ ئه‌وه‌ی حكومه‌تی عیراق مه‌ترسی دووباره‌بوونه‌وه‌ی وشكه‌ساڵی ده‌خاته‌روو و پێیوایه‌ ئاماژه‌كانی كه‌می بارانبارین ده‌ركه‌وتووه‌، كه‌چی لێپسراوانی وه‌زاره‌تی كشتوكاڵی هه‌رێم رایده‌گه‌یه‌نن هێشتا كات ماوه‌ بۆ بارانبارن و مه‌ترسیه‌كانی وشكه‌ساڵی به‌جۆره‌ نیه‌ كه‌ باس ده‌كرێت. 

ئه‌كره‌م ئه‌حمه‌د به‌رێوه‌به‌ری گشتی به‌نداوه‌كان له‌ وه‌زاره‌تی كشتوكاڵی هه‌رێم به‌ PUKmedia ی راگه‌یاند: ئه‌گه‌رچی بارانبارینی ئه‌مساڵ كه‌مێك له‌كاتی خۆی دوا كه‌وتووه‌، به‌ڵام هێشتا زووه‌ بڵێن ئه‌مساڵیش وشكه‌ساڵی له‌ كوردستان و ناوچه‌كه‌ رووده‌دا.

وتیشی: راسته‌ بارانبارینی وه‌رزی پایزی كاریگه‌ری باشتری ده‌بێت له‌سه‌ر سه‌رچاوه‌كانی ئاو و كه‌رتی كشتوكاڵ، له‌گه‌ڵ ئه‌وه‌ش ئه‌گه‌ر  بكه‌وێته‌ وه‌رزی زستانیش سوودیبده‌بێت.

راشیگه‌یاند: دووهۆكاری سه‌ره‌كی وایكرد ئه‌مساڵ عیراق و هه‌رێمی كوردستان كه‌نی ئاو ببنه‌وه‌، یه‌كیان وشكه‌ساڵی ئه‌وه‌ی تریان كه‌مكه‌دنه‌وه‌ی ئاو بوه‌ له‌لایه‌ن وڵاتانی دراوسێ.

ئه‌كره‌م ئه‌حمه‌د روونیشیكرده‌وه‌: له‌گه‌ڵ  ئاگه‌داركردنه‌وه‌ی ئه‌و وڵاتانه‌ و ئه‌نجامدانی گفتوگۆ له‌گه‌ڵیان، كه‌چی تاكو ئێستا هوردوو وڵاتی توركیا و ئیران وه‌كو پێویست به‌شه‌ ئاوی عتلیراقیان وه‌كو خۆی نه‌گه‌ڕاندۆته‌وه‌.

ئه‌و لێپسراوه‌ی وه‌زاره‌تی كشتوكاڵ ته‌ئكیدیشیكرده‌وه‌: له‌حاله‌تی دووباره‌ بوونه‌وه‌ی وشكه‌ساڵی و كه‌مبونه‌وه‌ی سه‌رچاوه‌كانی ئاو، پێویسته‌ شێوازی دابه‌شكردنی ئاو رێكبخرێته‌وه‌ و رێنمایی بدرێته‌ جوتیاران بۆئه‌وه‌ی زیاتر ئه‌و به‌رووبومانه‌ به‌رهه‌م بهێنن كه‌ ئاوی كه‌متر پێویسته‌.

PUKmedia ته‌ها عه‌بدوڵڵا