به‌شێك له‌ ھۆشداری ئاسمانی له‌سه‌ر عیراق ھه‌ڵده‌گیرێت

رێكخراوی فڕۆكه‌وانی فیدراڵی به‌شێك له‌ كۆت و به‌ندی ئاسمانی ھه‌ڵگرت كه‌ ماوه‌ی 7 ساڵه‌ به‌ھۆی شه‌ڕی داعشه‌وه‌ به‌سه‌ر عیراقدا سه‌پێنراوه‌.

جاسم عه‌بد عه‌لی به‌ڕێوه‌به‌ری كارگێڕیی جوڵه‌ی ئاسمانی عیراق رایگه‌یاند، دوای جێبه‌جێكردنی رێنمایی و راسپارده‌كانی، وه‌زیری گواستنه‌وه‌ و چه‌ندین كۆبونه‌وه‌ له‌گه‌ڵ رێكخراوی فڕۆكه‌وانی مه‌ده‌نیی نێوده‌وڵه‌تی (ئیكاو)، كۆمه‌ڵه‌ی گواستنه‌وه‌ی ئاسمانی (ئیتا)، ئه‌و كۆمپانیایانه‌ی فڕۆكه‌كانیان له‌ گه‌شتی ئاسمانیدا ئاسمانی عیراق به‌كارده‌ھێنن، به‌شێك له‌و ھۆشداری و كۆت و به‌ندانه‌ی له‌ ساڵی 2014 ه‌وه‌ و له‌كاتی شه‌ڕ داعشدا به‌سه‌ر عێراق سه‌پێندرابوون لابراون.

ئاماژه‌ی بۆ ئه‌وشه‌كرد، دوو فڕۆكه‌ی تایبه‌ت به‌ عیراق به‌ناوچه‌یه‌كدا ھه‌ڵفڕیون، كه‌ ماوه‌ی زیاتر له‌ 7 ساڵه‌ به‌ ناوچه‌یه‌كی نا ئارام بۆ گواستنه‌وه‌ی فڕۆكه‌وانی ئه‌مریكا ھه‌ژماركراوه‌، كه‌ توانیویانه‌ له‌به‌رزی 32 ھه‌زار پێ به‌ ئارامی بفڕن، ئه‌وه‌ش بۆ كۆمپانیاكانی فڕۆكه‌وانی دڵنیاكه‌ره‌وه‌یه‌.

PUKmedia ئاژانسه‌كان