فه‌ره‌نسا.. هێله‌ك زه‌رده‌كان هاتنه‌وه‌ سه‌رشه‌قام

هێله‌ك زه‌رده‌كان و ئه‌وانه‌ی دژی پاسی ته‌ندروستین ماوه‌ی 15 هه‌فته‌یه‌، هه‌موو شه‌ممه‌یه‌ك گرد ده‌بنه‌وه‌ و ده‌ڕژێنه‌ ناو شه‌قامه‌كانه‌وه‌ له‌ پاریس و شاره‌كانی تری فه‌ره‌نسا  بۆ ده‌ڕبڕینی ناڕه‌زایی دژی پاسی ته‌ندروستی له‌ لایه‌ك و گرانی بازاڕو بژێووی ژیان و به‌رزبوونه‌وه‌ی نرخی سووته‌مه‌نی ( به‌نزین ، گازوایل ، كاره‌با ، گاز )  له‌ لایه‌كی تره‌وه‌ ، دوایی 15 هه‌فته‌ ژماره‌ی خۆنیشاندان لاواز و ژماره‌یان كه‌م ده‌بێته‌وه‌ .

سه‌ره‌ڕای بانگه‌شه‌ی هێله‌ك زه‌رده‌كان له‌سه‌ر تۆڕه‌كۆمه‌ڵاتیه‌كان ، هه‌فته‌ی ڕابووردو ژماره‌یان ته‌نها 40 هه‌زار بوو به‌رامبه‌ر به‌ 200 هه‌زار له‌ مانگی ته‌مووزدا .

هۆكاری كه‌مبوونه‌وه‌ له‌گرتبوونه‌وه‌ و به‌شداری كردن له‌خۆنیشاندان ده‌گه‌رێته‌وه‌ بۆ چه‌ند هۆكارێك.

یه‌كه‌م / ئه‌وه‌ی په‌یوه‌ندی به‌پاسی ته‌ندروستیه‌وه‌ هه‌یه‌ بۆ خۆپاراستن له‌ ڤایروسی كۆرۆنا، به‌پێی ڕاپرسیه‌ك زۆرینه‌ی فه‌ره‌نسیه‌كان پێیان وایه‌ كه‌پێویسته‌ ماوه‌ی به‌كارهێنانی پاسی ته‌ندروستی درێژبكرێته‌وه‌ تا 30 ی ته‌مووزی ساڵی 2022 .

دووهه‌م / به‌رامبه‌ر به‌ به‌رز بوونه‌وه‌ی نرخی سووته‌مه‌نی، به‌تایبه‌تی به‌نزین و گازوایل كه‌ به‌شێوه‌یه‌كی سه‌رسووڕهێنه‌ر له‌ماوه‌ی چه‌ند ڕۆژی ڕابووردودا به‌رز بوه‌وه‌، سه‌رۆكی حكومه‌ت جان كاستیكس،  پێش 3 رۆژ له‌ چاووپێكه‌وتنێكی ته‌له‌ڤزیۆنیدا رایگه‌یاند، كه‌ هه‌موو فه‌ره‌نسیه‌ك كه‌ مووچه‌كه‌ی له‌ 2 هه‌زار ئێرۆ كه‌متره‌  100 ئێرۆ وه‌ك یارمه‌تی  وه‌رده‌گرێت  له‌ مانگی دێسه‌مبه‌ری داهاتوه‌وه‌  ده‌ست ده‌كرێت به‌ دابه‌شكردنی  ته‌نها یه‌ك جاریش ، ئه‌م یارمه‌تیه‌ ، بێكاره‌كان و خوێنكاران و خانه‌نشینه‌كانیش ئه‌گرێته‌وه‌ ، ئه‌مه‌ش واده‌كات كه‌ ئه‌و خۆنیشاندانه‌ لاوز بێت و خه‌ڵكی نه‌یه‌ت به‌ده‌نگ ئه‌و بانگه‌شانانه‌وه‌  كه‌ له‌لایه‌ن هێله‌ك زه‌رده‌كانه‌وه‌ به‌ به‌رده‌وامی له‌سه‌ر تۆڕه‌كۆمه‌ڵایه‌تیه‌كانه‌وه‌ بڵاوئه‌كرێته‌وه‌.

سیهه‌م / ماوه‌یه‌كه‌ سه‌رۆك كۆمار خۆی زۆر نزیك ده‌كاته‌وه‌ له‌ جه‌ماوه‌ر و به‌به‌رده‌وامی  سه‌ردانی شار و شارۆچكه‌كان ده‌كات و هه‌موو جارێكیش به‌ڵێن و پێشنیار پێشكه‌ش به‌ خه‌ڵكی ئه‌كات و له‌ رێگای وتاره‌كانیه‌وه‌ گه‌شبینی ئه‌خاته‌ڕوو .
چوارهه‌م/  كه‌م بوونه‌وه‌ی بێكاری ، مانگ به‌ مانگ ژماره‌ی بێكاران كه‌م ئه‌بێته‌وه‌ و باری ئابووریش له‌ گه‌شه‌دایه‌ ، ئه‌مه‌ش ئه‌بێته‌ هۆكارێكی تر له‌ كه‌م بوونه‌وه‌ی به‌شداربوان له‌ خۆنیشانداندا .

ئه‌م ئاوڕدانه‌وه‌ی حكومه‌تی فه‌ره‌نسا له‌م كاته‌دا كه‌ گرمه‌ی خۆ كاندید كردن و هه‌ڵمه‌ته‌یه‌ بۆ هه‌ڵبژاردنه‌كانی نیسانی 2022 دیاره‌ هه‌روا بێ مه‌به‌ست نیه‌ كه‌ ته‌نها 6 مانگی ماوه‌، به‌م هه‌ڵوێسته‌ ده‌یانه‌وێت تووڕه‌یی و ناڕه‌زایی هێله‌ك زه‌رده‌كان هێووركه‌نه‌وه‌ ، هه‌رچه‌نده‌ تاكو ئێستا ئیمانیول ماكرۆن به‌ ره‌سمی خۆی كاندید نه‌كردوه‌ ، به‌ڵام به‌ ئاشكرا دیاره‌ كه‌ خۆی كاندید ده‌كاته‌وه‌ بۆ  5 ساڵی تری ده‌سه‌ڵات زۆر له‌ چاودێرانی سیاسی و ڕۆژنامه‌نووسان پێیان وایه‌ كه‌ ماكرۆن له‌ رۆژانی داهاتوودا خۆی كاندید ده‌كات ، له‌ لایه‌كی تره‌وه‌ به‌ پێی زۆر له‌ راپرسیه‌كان گه‌ر خۆی كاندید كات  سه‌ركه‌وتن مسۆگه‌ر ده‌كات ڕاژه‌ی ده‌نگدان بۆ ماكرۆن ٪23 له‌ خوولی یه‌كمدا و چوونه‌ خوولی دووهه‌م مسۆگه‌ر ئه‌كات، له‌هه‌موو راپرسینێكدا له‌پێش هه‌موو كاندیته‌كانی تره‌وه‌یه‌ كه‌ ژماره‌یان نزیكه‌ی 20 كاندیتن تاكو ئێستا .

ئه‌م یارمه‌تیه‌ 38 ملیۆن فه‌ره‌نسی ده‌گرێته‌وه‌ كه‌ مووچه‌كانیان له‌ 2 هه‌زار ئێرۆ كه‌متره‌  ته‌نها یه‌ك جاریشه‌، كۆی گشتی بۆ حكومه‌ت 2 ملیار و 8سه‌د هه‌زار ئێرۆیی تێده‌چێت.

سه‌ره‌ ڕای دابه‌شكردنی ئه‌و یارمه‌تیه‌،  ئه‌مڕۆ شه‌ممه‌ 23 ی ئۆكتۆبه‌ر دووباره‌ ، وا بڕیاره‌ كه‌ هێله‌ك زه‌رده‌كان و ئه‌وانه‌ی دژی پاسی ته‌ندروستین بڕژێنه‌ ناو شه‌قام و گۆڕه‌پانه‌كانه‌وه‌ ، به‌ڵام وا چاوه‌ڕوان ئه‌كرێت كه‌ ژماره‌یان زۆر نه‌بێت .

PUKmedia ئاماده‌كردنی.. حه‌مه‌ عوسمان / له‌ میدیاكانی فه‌ره‌نساوه‌