كونسوڵی فه‌ڕه‌نسا: چیمان پێبكرێت بۆ هه‌ڵه‌بجه‌ی ده‌كه‌ین

له‌ دیوانی پارێزگایی هه‌ڵه‌بجه‌ ئازاد تۆفیق پارێزگاری هه‌ڵه‌بجه‌ پێشوازی له‌ ئۆلیڤی دیكۆ تێنێز كونسڵی گشتی فه‌ڕه‌نسا له‌ هه‌رێم كرد.

له‌دیدارێكداپارێزگاریی هه‌ڵه‌بجه‌ به‌ گه‌رمی به‌خێر هاتنی كونسڵ و وه‌فدی هاوڕێی كرد و ڕۆڵ و پێگه‌ی كونسوڵگه‌ریه‌كه‌ی له‌ خزمه‌تكردن به‌هه‌ڵه‌بجه‌ به‌رز نرخاند.

وتیشی:گه‌لی فه‌ڕه‌نسا هه‌میشه‌ هه‌ڵوێست و كرداره‌كانیان گه‌ر هاوته‌ریب نه‌بوو بێت له‌گه‌ڵ كورد دژیشی نه‌بووه‌ و چاوه‌ڕێی هه‌ما هه‌نگی و كاری زیاترتان لێ ده‌كه‌ین و سوپاس گوزاری پشتیوانیه‌كانتانین.

لای خۆشیه‌وه‌ ئۆلیڤی دیكۆ تێنێز كونسڵی گشتی فه‌ڕه‌نسا له‌ هه‌رێم ڕایگه‌یاند : ئه‌ركی هه‌موومانه‌ پشتیوان و هاوكاری هه‌ڵه‌بجه‌ بین و وه‌ك كونسوڵگه‌ری فه‌ڕه‌نسا له‌ هه‌رێم چیمان پێبكرێت ده‌یكه‌ین.

PUKmedia فه‌رحان حه‌مه‌خان