پەرلەمانتاران داوای بانگهێشكردنی وەزیری سامانە سروشتیەكان دەكەن

بەھۆی گرانبوونی نرخی بەنزین گازوایل و نەوت داوا دەكرێت وەزیری سامانە سروشتییەكان بانگھێشتی پەرلەمان بكرێت

تادێت لەهەرێمی كوردستان نرخی سوتەمەنی بەتایبەت بەنزین گرانتر دەربێت و لەئێستادا نرخی لیترێك بەنزین هەزار دیناری تێپەڕاندوە، ژمارەیەك پەرلەمانتاری كوردستانیش یاداشتێك ئاڕاستەی سەرۆكایەتی پەرلەمانی كوردستانی دەكەن داوا دەكەن بەئامادەبونی

وەزیری سامانە سروشتیەكان دانیشتنێكی تایبەتی پەرلەمان لەبارەی  گرانبونی نرخی بەنزین و غاز و نەوتی سپی و گازوایل رێكبخرێت.

ئەوەش لە كاتێكدایە زیاتر لە دوو ھەفتەیە نرخی بەنزین لە ھەرێمی كوردستان رووی لە بەرزبوونەوە كردووە، حكومەتی ھەرێمی كوردستانیش چاوەڕوانی بەغدایە بەشە نەوت و بەنزینی بۆ رەوانە بكات.

PUKmedia