}

سه‌رۆك كۆمار: ھه‌وڵه‌كان به‌ ئاڕاسته‌ی ریشه‌كێشكردنی تیرۆرو گه‌نده‌ڵی یه‌كخرێن

عیراق 02:52 PM - 2021-10-19

د. به‌رهه‌م ساڵح، سه‌رۆك كۆماری عیراق ئه‌مڕۆ سێشه‌ممه‌ 19ی تشرینی یه‌كه‌می 2021 له‌ كۆشكی سه‌لام له‌ به‌غدا، كارنامه‌ی ھه‌ر یه‌ك مارتن یاغر، باڵیۆزی ئه‌ڵمانیا و پیته‌ر شتیپانیك، باڵیۆزی چیكی وه‌رگرت.

له‌میانی پێشوازیكردنی له‌ باڵیۆزانی ئه‌ڵمانیا و چێك به‌جیا سه‌رۆك كۆمار جه‌ختیكرده‌وه‌ كه‌ عیراق به‌گرنگییه‌وه‌ ده‌روانێته‌ په‌یوه‌ندییه‌ هاوسه‌نگه‌كانی له‌گه‌ڵ وڵاتان له‌سه‌ر بنه‌مای ھاریكاری ھاوبه‌شی ھه‌رێمایه‌تی و نێوده‌وڵه‌تی بۆ رووبه‌ڕووبوونه‌وه‌ی ئاسته‌نگه‌كانی تیرۆر و ریشه‌كێشكردنی گه‌نده‌ڵی و كه‌مكردنه‌وه‌ی كاریگه‌رییه‌كانی گۆڕانی كه‌شوھه‌وا و پاراستنی ژینگه‌.

له‌ دیداره‌كه‌دا سه‌رۆك به‌رھه‌م ئه‌وه‌شی خسته‌ڕوو كه‌ ئه‌نجامدانی هه‌ڵبژاردنه‌كان هه‌نگاوێكی گرنگه‌ بۆ پێكهێنانی په‌رله‌مان و دامه‌زراندنی حكومه‌تێكی كارای كاریگه‌ر كه‌ بتوانێت داواكارییه‌ ره‌واكانی خه‌ڵك بۆ ژیانێكی باشتر و خۆشگوزه‌ران دابین بكات، ھاوكات دووپاتیكرده‌وه‌ له‌گرنگی پته‌وكردنی په‌یوه‌ندییه‌كان له‌گه‌ڵ وڵاتان له‌ رووی ئابووری و بازرگانی و پشتیوانی له‌ ده‌رفه‌تی وه‌به‌رھێنان به‌ ئاڕاسته‌ی به‌ھێزكردنی دووباره‌ بونیادنانه‌وه‌ و گه‌شه‌پێدانی عیراق.

ھه‌ر له‌ دیداركه‌دا سه‌رۆك كۆمار ھیوای سه‌ركه‌وتنی بۆ باڵیۆزانی نوێ خواست له‌جێبه‌جێكردنی ئه‌ركه‌ نوێیه‌كانیان، به‌جۆرێك ببێته‌ مایه‌ی به‌ھێزكردنی په‌یوه‌ندی دۆستانه‌ و ھه‌ماھه‌نگی نێوان عیراق و وڵاته‌كانیان.

له‌لای خۆیانه‌وه‌ ھه‌ردوو باڵیۆز ئه‌ڵمانیا و چێك سوپاس و پێزانینی خۆیان ئاڕاسته‌ی سه‌رۆك كۆمار كرد، ھه‌روه‌ھا پشتیوانی وڵاته‌كانیان بۆ عیراق دووپاتكرده‌وه‌ و جه‌ختیشیانكرده‌وه‌ له‌پێویستی په‌ره‌پێدانی په‌یوه‌ندییه‌كان له‌گه‌ڵ عیراق له‌بواره‌ جیاجیاكان، له‌پێناو پته‌وكردنی په‌یوه‌ندییه‌ هاوبه‌شه‌كان.

PUKmedia 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket