كۆمسیۆن: سبه‌ینێ دواین مۆڵه‌ته‌ بۆ تانه‌دان له‌ئه‌نجامی هه‌ڵبژاردن

كۆمیسیۆنی باڵای سه‌ربه‌خۆی ھه‌ڵبژاردنه‌كانی عیراق رایگه‌یاند، سبه‌ی سێشه‌ممه‌ 19-10-2021، دواین مۆڵه‌ته‌ بۆ لایه‌نه‌ سیاسییه‌كان بۆ ئه‌وه‌ی تانه‌كانیان له‌سه‌ر ئه‌نجامه‌كانی هه‌ڵبژاردن پێشكه‌ش بكه‌ن .

عیماد جه‌میل، ئه‌ندامی ده‌سته‌ی راگه‌یاندنی كۆمسیۆنی هه‌ڵبژاردنه‌كان له‌ لێدوانێكی رۆژنامه‌نوسیدا راگه‌یاند: سبه‌ی ئه‌و واده‌یه‌ كۆتایی دێت كه‌ بۆ تانه‌ی لایه‌نه‌كان دیاریكرابوو سه‌باره‌ت به‌ ئه‌نجامه‌ به‌راییه‌كانی ھه‌ڵبژاردنه‌كان.

راشیگه‌یاند: له‌ماوه‌ی 10 رۆژدا ده‌سته‌ی دادوه‌ریی بۆ ھه‌ڵبژاردنه‌كان به‌ تانه‌كاندا ده‌چێته‌وه‌، له‌كۆتاییشدا ناوی ئه‌ندامانی خولی پێنجه‌می په‌رله‌مان راده‌گه‌یه‌نرێت.

PUKmedia كۆمسیۆنی باڵای هه‌ڵبژاردنه‌كانی عیراق