سەرۆك كۆمار: پێویستمان بە چەسپاندنی رەفتارە بەرزەكانی پێشەوای موسڵمانانە
عیراق 11:55 AM - 2021-10-18
بەبۆنەی یادی لە دایكبوونی پێشەوای موسڵمانان و سەروەری مرۆڤایەتییەوە د. بەرھەم ساڵح سەرۆك كۆماری عیراق پەیامێكی بڵاوكردەوە و رایگەیاند، پێغەمبەری مەزن دەوڵەتێكی دامەزراند و توانی كۆتایی بەستەم و گەندەڵی بھێنێت و دادپەروەری بچەسپێنێت با لە پێغەمبەری خوداوە فێری چاكەخوازی بین.
دەقی پەیامەكە:
پەیامی سەرۆك بەرھەم بەبۆنەی یادی لە دایكبوونی پێشەوای موسڵمانان و سەروەری مرۆڤایەتی
"گەرمترین پیرۆزبایی ئاڕاستەی موسڵمانانی عێراق و ھەرێمی كوردستان و جیھان دەكەم بەبۆنەی یادی لە دایكبوونی پێشەوای موسڵمانان و سەروەری مرۆڤایەتی محەمەد (د.خ).
رۆژی لە دایكبوونی پێشەوای موسڵمانان بۆنەیەكی گەورە و گرنگ و پەیام بەخشە بۆ بەرجەستەكردنی ئاشتی و خۆشەویستی و پێكەوەژیان لە نێوان سەرجەم مرۆڤایەتی، بۆیە ئەمڕۆ لە ھەموو كات زیاتر پێویستمان بە چەسپاندنی بەھا و رەفتارە جوان و بەرزەكانی پێشەوای موسڵمانانە، تاوەكو بەھا بەرزەكانی ئاینی پیرۆزی ئیسلام بەرز راگرین، با لە پێغەمبەری خودا فێری چاكەخوازی بین، پێغەمبەری مەزن دەوڵەتێكی دامەزراند و توانی كۆتایی بەستەم و گەندەڵی بھێنێت و دادپەروەری بچەسپێنێت و بەھا مرۆڤایەتییەكان بەرز راگرێت لە ئەخلاق و هێزی ئیرادە.
لە كاتێكدا ئەم یادی مەزنە دەكەینەوە، وڵاتە ئازیزەكەمان رووبەڕووی ئالینگاری جددی و بەركەوتەی نیشتمانی دەبێتەوە، لەم ساتەوەختە دژوارەدا پێویستە یەكریز و یەكگرتوو بین و بەیەكەوە دیاڵۆگ و گفتوگۆ بكەین بە ئاڕاستەی سەرخستنی بەرژەوەندی گشتی وڵات و ھەنگاوی كرداری بنین رووەو جێبەجێكردنی داوا رەواكانی خەڵك بۆ ژیانێكی باشتر و خۆشگوزەران.
رێزگرتن لە ئیرادە و خواستی خەڵك و پرۆسەی دەستووری و چارەسەركردنی كێشەكان بە رێگەچارەی ئاشتییانە ئەركێكی نیشتمانییە و ناڕەزایی بەرامبەر بە ئەنجامەكانی هەڵبژاردن مافێكی پارێزراوە لەسەر بنەمای دەستوور و یاساكانی هەڵبژاردن، بۆیە پێویستە مامەڵەكردن لەگەڵی لەچوارچێوەی یاسا و ئاشتیدا بێت دوور لەوەی ئاسایش و موڵك و سامانی گشتی و سەلامەتی وڵات بخرێتە مەترسییەوە.
رێزگرتن لە دەوڵەت و دامەزراوەكانی و پاراستنی كاروانی دێموكراسی لە وڵات، ئەمانەتە لە گەردنمان بۆ ئەو قوربانییە زۆرەی كە گەلەكەمان بەخشیویەتی لە ماوەی دەیەیی رابردوو لە ستەم و چەوسانەوە و توندوتیژی، ھەروەك ئەمانەتە بۆ قوربانییەكانی ھێزە ئەمنییەكان لە سوپا و پۆلیس و پێشمەرگە و حەشدی شەعبی بۆ رووبەڕووبوونەوەی تیرۆر، ھاوكات گرنگە رێز بگرین لە پاراستنی بژاردەی دێموكراسی دەستووری ئاشتییانە وەك بژاردەیەكی گەلەكەمان.
ھەموو ئەمانەش بە ھەوڵ و كۆششی ھەمووان لە ھێز و لایەنە سیاسی و جەماوەرییەكان و یەكخستنی دید و بۆچوونە جیاوازەكان دێتەدی لە پێناو پاراستنی پەرژەوەندی گشتی وڵات و ھێنانەكایەوەی خۆشگوزەرانی و گەشەپێدان بۆ ھاونیشتمانیان و وڵات.
د. بەرھەم ساڵح
سەرۆك كۆماری عیراق
PUKmedia نووسینگەی راگەیاندنی سەرۆكایەتی كۆمار
هەواڵی زیاتر
-
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
05:41 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
11:57 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
05:26 PM - 2024-03-27
ئەمانەش ببینە
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
03:46 PM - 2024-03-28
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
12:56 PM - 2024-03-28
یەکێتی و حزبی شیوعی چین تەئکید لەپتەوکردنی پەیوەندییەکانیان دەکەنەوە
10:17 PM - 2024-03-27
قوباد تاڵەبانی: هەوڵمان بۆ چارەسەری بودجە و مووچەی هەرێمە
07:01 PM - 2024-03-27
زۆرترین خوێنراو
-
سێ (D) یەکەی مام
بیروڕا 04:57 PM - 2024-03-28 -
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
کوردستان 03:46 PM - 2024-03-28 -
پرسەنامەی قوباد تاڵەبانی بۆ خانەوادەی ئەحمەد خدر
پرسەنامە 03:03 PM - 2024-03-28 -
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
کوردستان 12:56 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
کوردستان 11:57 AM - 2024-03-28 -
یەکێتی و رەوتی حیکمە دوا پێشهاتەکان تاوتوێ دەکەن
ی ن ک 10:21 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
کوردستان 11:58 PM - 2024-03-27 -
یەکێتی و حزبی شیوعی چین تەئکید لەپتەوکردنی پەیوەندییەکانیان دەکەنەوە
کوردستان 10:17 PM - 2024-03-27