فەرەنسا.. سەدر براوەی یەکەمە لە هەڵبژاردنەکانی عیراقدا
عیراق 07:29 PM - 2021-10-13
رۆژنامەی لومۆندی فەرەنسا سەردێری رۆژنامەکەی بە ( عیراقیەکان بە ڕاژەیەکی زۆر بەشداری دەنگدانیان نەکردووە ) دەست پێئەکاو ، تێیدا سەرکەوتنی مقوتەدا سەدر بە سەر سەرکەوتنێکی گەورە دادەنێت و لە هەمان کاتدا چەند حزبێکی شیعەی تر کە نزیکن لە ئیرانەوە ، تانە لەو سەرکەوتنەی سەدر ئەدەن و پێیان وایە دزی لە دەنگەکاندا کراوە و باوەڕیان بەو سەرئەنجامە نیە ، هەر لە دوای ئاشکرا بوونی سەرئەنجامی هەڵبژاردنەکە ، لایەنگرانی سەدر بۆ دەڕبڕینی خۆشی سەرکەوتنیان ڕژانە شەقامەکانەوە پێشئەوەی ئەنجامی کۆتایی هەڵبژاردنەکان بە تەواوی ئاشکرا کرێت پاش ئەوەی سەدر لە لێدوانێکی تەلەڤیزوێندا جگە لە پیرۆزبایی ، ڕای گەیاند کە ،، میللەت پێوویستە شایی بگێڕێت بۆ ئەم سەرکەوتنە و بەبێ ئەوەی ببنە هۆی سەرئێشە و بێتاقەتکردن ،،،
کادران و لایەنگرانی سەدر هەر لە ئێوارەی رۆژی یەک شەممەی 10/10/2021 وە ، بەپێی ئەژماردنی تایبەت بەخۆیان ڕایانگەیاند کە 73 کورسیان بۆ پەرلەمان مسۆگەر کردوە لە کۆی 329 کورسی لە پەرلەمانی عیراقی داهاتوودا ، بەرامبەر بە 54 کورسی لە هەڵبژاردنەکانی پێشووی ساڵی 2018 ، لە لایەکی ترەوە رۆژنامەی لومۆند نووسیویەتی کە بەرپرسێکی کۆمیسیونی سەربەخۆی هەڵبژاردنەکانی عیراق بە ئاژانسی فەرەنس پرێسی ڕاگەیاندووە کە ( موقتەدا سەدر) سەرکەوتنی بەدەستهێناوە ، پێش ئەوەی دوا سەرئەنجامی فەرمی ئاشکرا بکرێت ، هەروەها ووتی پاش کۆتا سەرئەنجامی هەڵبژاردنەکان ، کورسیەکان دابەش ئەکرێت لە پەرلەمانی داهاتووی عێراقدا .
لە لایەکی ترەوە ، رۆژنامەی لومۆند باس لە هاوپەیمانی ( دەوڵەتی یاسا ) ی سەرۆک وەزیرانی پێشوو ( نوری المالکی ) ئەکات ،کە ئەیەوێت گەرانەوەی هێزی خۆی بە تەنها 37 کورسیەوە دیاری بکات ، هەروەها سەبارەت بە هاوپەیمانی ( الفتح) نزیک لە ئێرانەوە ،ئەڵێت لە هەڵبژاردنەکانی پێشوودا 48 کورسیان مسۆگەر کردبوو ، بەڵام ئەمجارە شکستیەکی زۆر قوورسیان بەدەستهێناوە و بەچاکی تەزیوون ، لە لایەکی ترەوە باس لە ( محمد الحلوسی ) ئەکات کە سەرکەوتنێکی باشی مسۆگەر کردووە بەرامبەر بە بەرامبەرەکەی ( خمیس الخنجر) .
هەروەها رۆژنامەی لومۆندی فەرەنسی باس لە گەنجان ئەکات کە ئێوارەی یەک شەممە ڕژاونەتە گۆڕەپانی ( التحریر ) بۆ دەربڕینی خۆشی و شادیان بە لێدانی هۆڕیینی ئۆتۆمۆبیلو هاوارکردنیان و بەرز کردنەوەی ئاڵای عیراق و بەرزکردنەوەی وێنەی سەرۆکەکەیان ، هەموو بەیەکەوە هاوارئەکەن ( ئێمە زۆر دەمێکە چاوەڕوانی ئەم سەرکەوتنە گەورەیەئەکەین ) یەکێک لە گەنجە خۆنیشاندەرەکان ئەڵێت ( تەنها هیواو و باوەڕمان بە مقتەدا سەدرە ، تەنها ئەویشە کە توانای هەبێت چاکسازی بکات لە عیراقدا و ڕاووی گەندڵکاران بکات ) هەروەها لومۆند ،، ئەوە بە بیر خوێندەراندا ئەهێنێتەوە کە ئەم هەڵبژاردنە پێشوەختەیە لە ئەنجامی خۆنیشاندانەکانی بەغدا بو لە ساڵی 2019 لە گۆڕەپانی تەحریر کە ژمارەیەکی زۆر لە گەنجانی ئەو ووڵاتە و بۆ ماوەیەکی زۆر بەشداریانکرد ، ڕەنگە ئەمجارە هیوایەک بێت بۆ گەنجان و ووڵاتێکی هێمن و سەقام گیر .
PUKmedia حەمە عوسمان
فەرەنسا
رۆژنامەی / لومۆند
هەواڵی زیاتر
-
داهاتی هەفتەی رابردووی سلێمانی زیاتر لە چوار ملیار دینارە
01:31 PM - 2024-03-29 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
05:41 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
11:57 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27
ئەمانەش ببینە
کوردستان 10:23 AM - 2024-03-29 نێروەیی: روسیا وەک سەرۆک و سەرکردەیەکی کوردستانی و عیراق پێشوازی لە سەرۆک بافڵ دەکات
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
10:31 PM - 2024-03-28
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
08:34 PM - 2024-03-28
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
03:46 PM - 2024-03-28
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
12:56 PM - 2024-03-28
زۆرترین خوێنراو
-
داهاتی هەفتەی رابردووی سلێمانی زیاتر لە چوار ملیار دینارە
کوردستان 01:31 PM - 2024-03-29 -
نێروەیی: روسیا وەک سەرۆک و سەرکردەیەکی کوردستانی و عیراق پێشوازی لە سەرۆک بافڵ دەکات
کوردستان 10:23 AM - 2024-03-29 -
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
جیهان 10:31 PM - 2024-03-28 -
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
کوردستان 08:34 PM - 2024-03-28 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
کوردستان 05:41 PM - 2024-03-28 -
سێ (D) یەکەی مام
بیروڕا 04:57 PM - 2024-03-28 -
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
کوردستان 03:46 PM - 2024-03-28 -
پرسەنامەی قوباد تاڵەبانی بۆ خانەوادەی ئەحمەد خدر
پرسەنامە 03:03 PM - 2024-03-28