مەكتەبی سیاسی: مەلا شەفیق خزمەتی زۆری شۆرشی كردووە

بەهۆی كۆچی دوایی ژیانئاوایی پێشمەرگەی دێرین و قارەمانی یەكێتی شەفیق رەشید ناسراو بە مەلا شەفیق-ەوە، مەكتەبی سیاسی یەكێتیی نیشتیمانیی كوردستان پرسەنامەیەك ئاڕاستەی كەسوكار و بنەماڵەكەی دەكات كە ئەمە دەقەكەیەتی:

بەداخەوە هەواڵی ژیانئاوایی پێشمەرگەی دێرین و  قارەمانی یەكێتیی نیشتیمانی كوردستان ( شەفیق رشید) ناسراو بە (مەلا شەفیق)مان پێگەیشت.

 خوالێخۆشبوو پێشمەگەیەكی كۆڵنەدەر و دۆستی دێرینی رابەری گەورەی گەلەكەمان هەڤاڵ (مام جەلال) بوو، لە خەباتی رزگاریخوازی گەلەكەمان لە كەركوك و تەواوی كوردستان  گیان لەسەر دەست و چاونەترس بوو، رۆڵی زۆری هەبوو لە خزمەتی شۆرش و بەشداری دەیان نەبەردی و چالاكی كردووە، بنەماڵەكەشیان تێكۆشەری كوردایەتی زۆری تێدا هەڵكەوتووە و چەندین تێكۆشەر و شەهیدییان پێشكەشی خاك و گەلی كوردستان كردووە.

بەم بۆنە خەمناكەوە، پرسە و هاوخەمی خۆمان ئاراستەی كەس و كار و بنەماڵە و هەڤاڵانی خوالێخۆشبوو دەكەین ، داوكارین لە خوای گەورە سەبوری هەمووان بدات و جێگای هەمیشەیی بەهەشت بێت.
إنا لله وإنا إلیه راجعون

مەكتەبی سیاسیی
یەكێتیی نیشتیمانی كوردستان

PUKmedia تایبەت