پرسه‌نامه‌ی بافڵ تاڵه‌بانی بۆ كۆچی دوایی سه‌ید عه‌لی مێرگه‌یی

بۆ كۆچی دوایی تێكۆشه‌ری دێرین "سه‌ید عه‌لی مێرگه‌یی"، بافڵ تاڵه‌بانی ھاوسه‌رۆكی یه‌كێتیی نیشتمانیی كوردستان، بروسكه‌یه‌كی سه‌ره‌خۆشی ئاڕاسته‌ی بنه‌ماڵه‌ تێكۆشه‌ره‌كه‌یان كردووه‌، ئه‌مه‌ ده‌قه‌كه‌یه‌تی:  

خانه‌واده‌و بنه‌ماڵه‌ی تێكۆشه‌ری دێرین سه‌ید عه‌لی مێرگه‌یی 

به‌ خه‌مێكی قوڵه‌وه‌  هه‌واڵی ژیانئاوایی خه‌باتگێر و كادر و تێكۆشه‌ری دێرین( كاك سه‌ید عه‌لی ) مێرگه‌یی ، ئه‌ندامی ناوه‌ندی كۆمه‌ڵایه‌تی و پێكهاته‌كانی راپه‌ڕینمان پێگه‌یشت .

كاك سه‌ید عه‌لی كه‌سایه‌تییه‌كی دیار و دڵسۆزو به‌وه‌فای رێگای كوردایه‌تی و یه‌كێتیی نیشتمانیی كوردستان بوو كه‌له‌قۆناغه‌كانی خه‌باتدا به‌شدارو ھه‌ڤاڵێكی سه‌رڕاستی حزبی شه‌ھیدان بوو .

بۆ ئه‌م كۆسته‌ دڵته‌زێنه‌ پرسه‌و سه‌ره‌خۆشی خۆمان ئاڕاسته‌ی خانه‌واده‌و ھه‌ڤاڵان وھاوسه‌نگه‌رانی كاك سه‌ید ده‌كه‌ین و له‌خوای گه‌وره‌ش داواكارین گیانی كۆچكردوو شادبكات و دڵئارامی و سه‌بووری به‌ھه‌موولایه‌ك ببه‌خشێت .

انا لله‌ وانا الیه‌ راجیعون
بافڵ تاڵه‌بانی 
ھاوسه‌رۆكی یه‌كێتیی نیشتمانیی كوردستان

PUKmedia