قوباد تاڵەبانی: عەبدوڵڵای حاجی سەعید تێكۆشەر و نیشتمانپەروەر بوو

بەهۆی كۆچی دوایی عەبدوڵڵای حاجی سەعید، قوباد تاڵەبانی جێگری سە‌رۆكی ئەنجومەنی وە‌زیران پرسەنامەیەك ئاڕاستەی دكتۆر ئامانج و خێزان و خانەوادەی كۆچكردوو دەكات كە ئەمە دەقەكەیەتی:

بەڕێز كاك دكتۆر ئامانج عەبدوڵڵا
 
بەرێزان خێزان و خانەوادەی كۆچكردوو (عەبدوڵڵای حاجی سەعید)

بەبیستنی هەواڵی كۆچی دوایی (عەبدوڵڵای حاجی سەعید) یاریدەدەری سەرۆك مام جەلال بۆ كاروباری بازرگانی، دڵگران و نیگەران بووین.

عەبدوڵڵای حاجی سەعید كەسایەتییەكی تێكۆشەر و نیشتمانپەروەر بوو، یەكێك بوو لەیاریدەدەرە بەئەمەكەكانی سكرتێری گشتی و ساڵانێكی زۆر لەخزمەتی جەنابی مام جەلال و كارئاسانی كردندا بوو بۆ بازرگانان و پەرەپێدانی ئەو بوارە لەچوارچێوەی سیاسەتی یەكێتی دا.

بەم بۆنە خەمناكەوە پرسە و سەرەخۆشی لەخێزان و خانەوادە بەڕێزەكەتان دەكەم و خۆم بە هاوبەشی خەمتانم دەزانم. خوای گەورە سەبوریی و دڵنەوایی بەهەموو لایەك ببەخشێت، جێگای كۆچكردووش بەهەشتی بەرین بێت.

انا لله وانا الیە راجعون

قوباد تاڵەبانی
جێگری سە‌رۆكی ئەنجومەنی وە‌زیران

PUKmedia تایبەت