رێواز فایەق: هەر حزبێك حساب بۆ یەكێتی نەكات حسابی بۆ ناكەین

د. رێواز فایەق ئەندامی سەرکردایەتی یەکێتی رایگەیاند، یەكێتیی نیشتمانیی كوردستان حزبێكی قبوڵكراوی متمانە پێكراوە لەسەر ئاستی عیراق و هەر حزبێك حساب بۆ یەكێتی نەكات و نەیخوێنێتەوە، یەكێتیش حسابی بۆ ناكات، هاوكات هەر یەكێتیش بوو نەیهێشت ئەم هەولێرە بكەوێتە ژێر چەپۆكی تیرۆرستانی داعش.

ئەمڕۆ 27-9-2021، د. رێواز فایەق ئەندامی سەرکردایەتی یەکێتی لە كۆنگرەیەكی رۆژنامەوانیدا رایگەیاند: ئەوە یەكێتییە لە گفتوگۆكانی بەغدا سەلماندی كە تاكە حزبی سەنگین و متمانەپێكرا و خەمخۆری قوت و بوودجەی كوردستانە، هاوكات هەر یەكێتیش بوو نەیهێشت ئەم هەولێرە بكەوێتە ژێر چەپۆكی تیرۆرستانی داعش.

ئەوەشی وت: نێچیرڤان بارزانی خۆی دەزانێت كە قسەكانی راست نین و روداو دەیزانی نێچیرڤان هەڵەی كردووە بۆیە بەشێكی لێدوانەكەیان لابردووە.

ئەندامی سەرکردایەتی یەکێتی وتیشی: دامەزراوە دەستوورییەكانی هەرێم دامەزراوەی گەلی كوردستانن نەك حزب و لایەنەكان و دەبێت سەرۆكی هەرێم پارێزەری یەكڕیزی هێز و لایەنە سیاسییەكانی كوردستان بێت.

راشیگەیاند: پارتی مومارەسەی فەرهەنگی سڕینەوە دەكات و هەر حزبێك حساب بۆ یەكێتی نەكات و نەیخوێنێتەوە، یەكێتیش حسایی بۆ ناكات.

وتشی: یەكێتیی نیشتمانیی كوردستان حزبێكی قبوڵكراوی متمانە پێكراوە لەسەر ئاستی عیراق و واجبی یەكێتیانەمە وەڵامی سەرۆكی هەرێم بدەمەوە، دەشبێت لەم قۆناغەدا بە هەستیارییەوە مامەڵە بكەین.

 PUKmedia      تایبەت
فۆتۆ.. سەرباز محەمەد ئەحمەد