كۆمسیۆن: ھه‌ر كه‌سێك له‌بری كه‌سێكی تر ده‌نگبدات سزا ده‌درێت

كۆمسیۆنی باڵای سه‌ربه‌خۆی ھه‌ڵبژاردنه‌كانی عێراق سزای ھه‌ر كه‌سێك ده‌دات، كه‌ له‌ شوێنی كه‌سێكی تر ده‌نگبدات.

جومانه‌ غه‌لای وته‌بێژی كۆمسیۆن رایگه‌یاند، ھه‌ر كه‌سێك له‌ شوێنی كه‌سێكی تر ده‌نگبدات یاخود دوو جار ناوی ھه‌بێت له‌ رۆژی ده‌نگداندا، رووبه‌ڕوی سزای یاسایی ده‌بێته‌وه‌ و ره‌وانه‌ی دادگا ده‌كرێت، كه‌ سزای دارایی به‌بڕی 200 بۆ 900 دۆلار و زیندانی بۆ ماوه‌ی 6 مانگ ده‌گرێته‌وه‌. 

جومانه‌ غه‌لای وتیشی، دوای ئه‌نجامدانی پڕۆسه‌ی سێیه‌می ھاوشێوه‌ی ده‌نگدان له‌ 2 ھه‌زار و 179 وێستگه‌ له‌ ته‌واوی عیراق، كۆمسیۆن به‌ ته‌واوی ئاماده‌ی ھه‌ڵبژاردنه‌.

PUKmedia كۆمسیۆنی باڵای هه‌ڵبژاردنه‌كان له‌ عیراق