نهێنی رێككەوتنی پارتی و نەوەی نوێ ئاشكرادەكرێت
کوردستان 11:19 AM - 2021-09-25
پارتی و نەوەی نوێیەكەی شاسوار عەبدولواحید لە بازنەی 1ی هەولێر رێككەوتنێكی نهێنیان تایبەت ئەنجامداوەو عەرابی رێككەوتنەكەش سەركردایەتی پارتی پەرلەمانتارێكی نەوەی نوێوە بووە كە ژنەكەی لەو بازنەیە كاندید بووە.
بەوتەی سەرچاوەیەك كە ئاگاداری ناوەڕۆكی رێككەوتنەكەی نێوان پارتی و نەوەی نوێیە، رێكەوتنەكە بەجۆرێك بووە بەهیچ شێوەیەك نابێت نەوەی نوێ لە بازنەی 1ی هەولێر كە قەزاكانی (شەقڵاوە، سۆران، مێرگەسۆر، رواندزو چۆمان) دەگرێتەوە، هیچ ژنێك كاندید بكەن.
سەرچاوە ئاگادارەكە دەشڵێت: پێشتر بڕیار بوو كە (وەزیرە ئەحمەد) خێزانی كاوە عەبدولقادر-ی پەرلەمانتاری نەوەی نوێ لەپەرلەمانی كوردستان لە بازنەی 1ی هەولێر كاندید بكات بۆ هەڵبژاردنی پەرلەمانی عیراق و هەموو شتێكیش تەواو بوو بوو، بەڵام دواتر
بەپێی رێككەوتنێكێ نهێنی نێوانیان كە عەرابی رێككەوتنەكە ئەندامێكی سەركردایەتی پارتی بووە بەناوی (ع.ح) ئاڵۆگۆڕ بەو كاندیدە كراوەو گواستراوەتەوە بۆ بازنەی 2 هەولێرو كاندیدەكەی بازنەی 2ی هەولێریش هێنراوەتە بازنەی 1 ی سۆران.
ئەوەشی وت: رێككەوتنەكە لەسەر داوای پارتی و بەئاگاداری شاسوار عەبدولواحیدی سەرۆكی جوڵانەوەی نەوەی نوێ بووەو لەڕێی كاوە عەبدولقادرەوە كراوە.
هەر بەوتەی سەرچاوە ئاگادارەكە: كاوە عەبدولقادر لەو بەرپرسەی پارتیەوە نزیكەو پەیوەندی خزمایەتی و كۆمەڵایەتی لە نێوانیاندا هەیەو زوو زووش یەكتر دەبینن.
لەبارەی ئامانجی پارتیش لەو رێككەوتنە، ئەو سەرچاوەیە رونیكردەوە كە پارتی چەند ئامانجێكی لەو كارە هەیە كە بریتین لەمانە:
1- بۆ ئەوەی بەئاسانی و بەكەمترین دەنگ كاندیدە ژنەكەی پارتی كە ناوی (جوان عەبدوڵڵا عومەر)ە لەو بازنەیە بەسیستمی كۆتا دەربچێت.
2- بۆ ئەوەی دەنگەكانی لیستی هاوپەیمانی لەو بازنەیە پەرت بكات لەبەرژەوەندی خۆی، تا بتوانێت شەڕی سەرخستنی سێ كاندیدە پیاوەكەی بكات لەبەرامبەر فەیسەڵ كەریم خان برادۆستی.
3- بۆ ئەوەی لەبازنەی دووی هەولێر (كۆیە، خەبات و بنەسڵاوە) رێگە بگرێت لە دەرچواندنی كاندیدە ژنەكەی یەكێتی و گۆڕان، چونكە خێزانی كاوە عەبدولقادر گواستراوەتەوە بۆ ئەو بازنەیە.
ئەو كەسەی لەگەڵ وەزیرە ئەحمەد لە بازنەی 2ی هەولێر بۆ بازنەی 1ی هەولێر ئاڵوگۆڕی پێكراوە، ناوی كوردەوان جەمالەو خەڵكی شاری سلێمانیە، كە هیچ پەیوەستێكی كلتوری و كومەڵایەتی بەو دەڤەرەی نابەستێتەوە، بەڵام نەوەی نوێ و پارتی لەبەر پەرتكردنی دەنگەكان لەپێناو بەرژەوەندی كاندیدانی پارتی وەها كارێكیان كردووە.
وەزیرە ئەحمەد خەڵكی سنوری قەزای شەقڵاوەیە، بەپێی شوێنی جوگرافیش بێت دەبوو لە بازنەی 1 كاندید بكرایە.
بەهۆی ئاشكرابوونی رێككەوتنەكەشیان، نەوەی نوێ نیگەران بون و جنێویان بەو رۆژنامەنووسانەش داوە كە قسەیان لەسەر رێككەوتنەكە كردووە.
هەر لەو بارەیەوە سەرچاوەیەك لە بازنەی سۆرانی هاوپەیمانی كوردستان رایگەیاند، پارتی و نەوەی نوێ دەیان كاندیدی دیكەش ئاڵوگۆڕ پێ بكەن، ناتوانن كاریگەری لەسەر دەنگەكانی فەیسەڵ كەریم خان بكەن، چونكە یەكێكە لەبەهێزترین پاڵێوڕاوەكانی سنوری پارێزگای هەولێر لە بازنەی 1ی هەولێر كە سنوری (سۆرانە، شەقڵاوە، مێرگەسۆر، رواندزو چۆمان) دەكرێتەوە.
هاوكات سەرچاوەكە جەختی لەسەر ئەوەشكردەوە كە نەوەی نوێ و پارتی بۆ هەر چوار بازنەكەی هەولێر رێككەوتنیان هەیە.
PUKmedia تایبەت
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
ئەمانەش ببینە
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26