رۆکێتان هێرشی سه‌ربازگه‌ها توركيا ل باشيكێ هاتە کرن

‎به‌رى ده‌مه‌كێ كێم نێزكى پێنج  رۆكێت ل سنۆرێ سه‌ربازگه‌ها توركيا ل ناوچه‌يا باشيكێ كەفتن و تا نوكه‌ ژێده‌رێ رۆكێتان و زيان ديار نينن، ناوچه‌دارێ باشيكێ ژى پشتراستكر رۆكێت ل سنۆرێ گوندێ هنجيرۆك كه‌فتينه‌.
‎ژێده‌ره‌كى ژ باشيكێ بۆ PUKmedia  هاتنا ده‌نگێ په‌قينان پشتراستكر و راگه‌هاند، ده‌نگێ په‌قينان ل نێزيك سه‌ربازگه‌ها زيلكان يا سه‌ر ب باشيكێ ڤە هاتيه‌.
‎هه‌روه‌سا گۆت: ده‌نگێ زێده‌تر ژ چار په‌قينان ل نێزيك باشيكێ هاتيه‌ و زانيارى پشتراست دكه‌ن كو ئه‌و په‌قين رۆكێتن و ل گوندێ هنجيرۆك و جمه‌ره‌ش كو سه‌ربازگه‌ها توركيا لێ يه‌ كه‌فتينه‌.
‎زه‌نوون يوونس، ناوچه‌دارێ باشيكێ بۆ پیوکەی میدیاگۆت: هێرشا ئه‌ڤشه‌ڤه‌ ب رۆكێتان بوويه‌ و ل سنۆرێ گوندێ هنجيرۆك بوويه‌ بێی كو چ زانياريێن دى بده‌ت و دوپاتكر، كو دويفچوون به‌رده‌وامه‌.
‎هه‌روه‌سا دياركر، سه‌ربازگه‌ها زيلكان يا سه‌ربازێن توركيايه‌ و تا نوكه‌ زێده‌تر ژ 600 سه‌ربازان ل وێ سه‌ربازگه‌هێ هەنه و پشتی کۆنترولکرنا نەینەوا ژ لایێ داعشێ ڤە ئەو سەرباز ل وێ دەڤەرێ خۆجهبووینە.

PUKmedia کۆسرەت کەتۆ