ئارمان سه‌عیدی 14 ساڵه‌ كامێراكه‌ی بۆ خزمه‌تی سروشت به‌كارده‌هێنێت

ئارمان محه‌مه‌د سه‌عیدی، ته‌مه‌ن 42ساڵان ،خه‌ڵكی شاری هه‌مه‌دانه‌و باوكی كورده‌و دایكی فارسه‌و ماوه‌ی چه‌ندین ساڵه‌ فۆتۆگرافه‌ره‌و وێنه‌ی سروشت ده‌چركێنێت.

ئارمان بۆ PUKmedia وتی: له‌منداڵییه‌وه‌ حه‌زێكی زۆرم بۆ كاری فۆتۆ هه‌بووه‌و باوكم كامێرایه‌كی بۆ كڕیووم و ورده‌ورده‌ ده‌ستم به‌كاری وێنه‌گرتنی مرۆڤ و سروشت و گوڵ و زۆرشت كرد تا واملێهات په‌ره‌ به‌كاره‌كه‌م بده‌م و به‌رده‌وامبم ئێستاش وا 14ساڵه‌ فۆتۆگرافه‌رم و وێنه‌ی سروشت ده‌گرم .

ئه‌و فۆتۆگرافه‌ره‌ی رۆژهه‌ـی كوردستان وتیشی: به‌شداری چه‌ندین پێشانگای فۆتۆگرافیم له‌شاره‌كانی تاران و هه‌مه‌دان و كرماشان و سنه‌و سه‌قزو جوانڕۆو پاوه‌م كردووه‌.

ده‌رباره‌ی دواین پرۆژه‌شی ئارمان وتی: دواین پرۆژه‌مان پشت به‌خوا له‌مانگی داهاتوو ده‌بێت به‌هه‌ماهه‌نگی له‌گه‌ڵ 8 فۆتۆگرافه‌ری ژن وپیاو پێشانگایه‌كی فۆتۆگرافی له‌شاری تاران سازده‌كه‌ین.


PUKmedia دیداری:ڕێباز حه‌سه‌ن كه‌ڵهوڕیی