پرسه‌نامه‌ی قوباد تاڵه‌بانی بۆ كۆچی دوایی عه‌باس جوبرائیل شێخانی

قوباد تاڵه‌بانی جێگری سه‌‌رۆكی ئه‌‌نجومه‌‌نی وه‌‌زیران بۆ كۆچی دوایی (عه‌باس جوبرائیل شێخانی) پرسه‌نامه‌یه‌ك ئاڕاسته‌ی خانه‌واده‌كه‌ی ده‌كات.

ده‌قی پرسه‌نامه‌كه‌...
به‌ڕێزان خێزان و خانه‌واده‌ی كۆچكردوو (عه‌باس جوبرائیل شێخانی)

به‌بیستنی هه‌واڵی كۆچی دوایی پێشمه‌رگه‌ و تێكۆشه‌ری دێرین (عه‌باس جوبرائیل شێخانی) باوكی دكتۆر كامه‌ران شێخانی به‌ڕێوه‌به‌ری گشتی ته‌ندروستی كۆیه‌، دڵگران و نیگه‌ران بووین.

به‌م بۆنه‌ خه‌مناكه‌وه‌ پرسه‌ و سه‌ره‌خۆشی له‌خێزان و خانه‌واده‌ به‌ڕێزه‌كه‌تان ده‌كه‌م و خۆم به‌ هاوبه‌شی خه‌متانم ده‌زانم. 

خوای گه‌وره‌ سه‌بوریی و دڵنه‌وایی به‌هه‌موو لایه‌ك ببه‌خشێت، جێگای كۆچكردووش به‌هه‌شتی به‌رین بێت.

انا لله وانا الیه‌ راجعون

قوباد تاڵه‌بانی
جێگری سه‌‌رۆكی ئه‌‌نجومه‌‌نی وه‌‌زیران

PUKmedia