کەنەدا.. حزبی لیبراڵ سەرکەوتنی هەڵبژاردنی بەدەست هێنا
جیهان 02:30 PM - 2021-09-22
لە 44 هەمین پرۆسەی هەڵبژاردنی پەرلەمانی فیدراڵی کەنەدا ، دوای 36 رۆژ لە ململانێی کەمپینی هەڵبژاردنی نێوان پارتە سیاسییەکانی کەنەدا ، رۆژی دووشەممە 20/9/2021 نزیکەی 27 ملیۆن هاوڵاتی کەنەدی بۆ هەڵبژاردنی 338 ئەندام پەرلەمانی فیدراڵی ڕوویان لە سندووقەکانی دەنگدان کرد ، لە هەڵبژاردنی ئەم ساڵ 2021 بۆ جاری سێهەم هاوڵاتیانی کەنەدا متمانەیان بە حزبی لیبراڵ و سەرۆك ترودۆ بەخشییەوە .
دوای کۆتایی هێنانی پرۆسەی دەنگدان بە چەند کاتژمێرێك ئەنجامەکانی هەڵبژاردن ڕاگەیەندرا کە بەم شێوەیە بوون ؛ حزبی لیبراڵ بەسەرۆکایەتی جەستن ترودۆ 158 کورسی ، حزبی پارێزگاران ( کۆنسێرڤەتیڤ ) بەسەرۆکایەتی ئیرێن ئوتوڵ 119 کورسی ، کوتلەی کوبێك بەسەرۆکایەتی ئیف فرانسوا بلانشیت 34 کورسی ، حزبی دیموکراتی نوێ ( NDP ) بەسەرۆکایەتی جاگمیت سینگ 25 کورسی ، پارتی سەوزیش بەسەرۆکایەتی ئەنامی پۆڵ 2 کورسی بەدەست هێنا .
جێی ئاماژەیە لە وڵاتی کەنەدا هەر چوار ساڵ جارێك هەڵبژاردن بۆ ئەنجوومەنی گشتی پەرلەمانی فیدراڵی بەڕێوەدەچێت کە دواترینیان لە 20 / 9/2019 بوو .
چاودێران پێیان وایە دەنگدەران لەم هەڵبژاردنەدا بۆ جاری سێیەمی سەرۆکایەتی حکومەت متمانەیان بە حزبی لیبراڵ و سەرۆك وەزیران جەستن ترودۆ بەخشیەوە چونکە لە پلانی ڕووبەڕوونەوەی پەتای کورۆنا و پرۆسەی پێکوتەی ڤاکسینی هاوڵاتیان کەمی ڕێژەی گیان لەدەستدانی تووشبوان سەرکەوتنی بەدەست هێنا .
لە درەنگانی شەو دوای ڕاگەیاندنی ئەنجامەکانی هەڵبژاردن جەستن ترۆدۆ سەرۆکی حزبی لیبرال بەیاوەری هاوسەر و هەردوو منداڵەکەی لە شاری مۆنتریال بە بۆنەی سەرکەوتنی حزبەکەیان لە وتەیەکی کورتدا وێڕای پیرۆزبایی کردن وتی " سوپاسی هاوڵاتیان دەکەم جارێکی تر متمانەیان پێ بەخشین لەگەڵ هاوڕێکانمدا بۆ زیاتر کارکردن بەرەو پێشەوە بۆ دواڕۆژێکی پرشنگدار ، ترۆدۆ وتشی بەرنامەی هەموومان پێکەوە بۆ دانانی نەخشەی کۆتایی هێنان بە پەتای کورۆنا ، پێکەوە کارکردن بۆ کەشوهەوایەکی ڕاستەقینە ، بۆ خزمەتکردنی زیاتری منداڵان ، بۆ بەرزکردنەوەی ئاستی ژیان و گوزەرانی خێزانەکانی مام ناوەند ، کاروانی هاوبەشمان لەپێناو ئاشتەوایی پێکەوە ژیان بێت "
دوای ڕاگەیاندنی ئەنجامەکانی هەڵبژاردن سەرکردەی حزبەکانی ڕکابەر پەیام و پیرۆزبایی خۆیان ئاراستەی سەرۆك و لایەنگرانی حزبی لیبرال و هاوڵاتیانی کەنەدا بەگشتی کرد ، هیوای سەرکەوتنیان بۆ حکومەتی نوێی کەنەدا خواست .
PUKmedia عوسمان عەلی ، کەنەدا
کەناڵەکانی ڕاگەیاندن ، کەنەدا
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
پلهبهرزكردنهوهی مووچهخۆرانی ههرێم رهزامهندی بهغدای دهوێت
10:40 AM - 2024-04-20
قوباد تاڵەبانی: ئارامی سلێمانی هێڵی سوورە
08:59 PM - 2024-04-19
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
زۆرترین خوێنراو
-
دارایی عیراق سێ بانک بۆ دروستکردنی تەوتین دەستنیشان دەکات
کوردستان 04:35 PM - 2024-04-20 -
هاوخەمی سەرۆک بافڵ بۆ بنەماڵەی خاتوو رقیە
پرسەنامە 03:27 PM - 2024-04-20 -
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19