ساخلەمیا دهۆکێ گرێبەستەک دگەل ئیتالیا ئیمزاکر

د. ئه‌فراسیاب موسا، رێڤه‌به‌رێ گشتى یێ ساخله‌میا پارێزگه‌ها دهۆكێ د كونگره‌كێ رۆژنامه‌ڤانێدا راگه‌هاند كو:گریبه‌سته‌ك دناڤبه‌را ساخله‌میا پارێزگه‌ها دهۆكێ و زانكۆیا دهۆكێ و پۆلیتەکنیکی یا دهۆک و زانكۆیا ساسارى یا ئیتالى دا ب پشتەڤانیا رێکخراوا AISPO هاته‌ ئێمزا كرن بۆ ده‌مێ سێ سالان دێ بسپۆرێن ئیتالیا دگه‌ل هەردو زانكۆیان دێ هاریكاریا ساخله‌میا دهۆكێ كه‌ن دوارێ پیشڤه‌برنا شیانێن په‌رستارى ل زانكۆیان دا و ئه‌و كه‌سێن ژ به‌شێن په‌رستارى ده‌ردچن پتر بهێنه‌ پێشڤه‌برن بۆ كاركرنێ دناڤ نه‌خۆشخانه‌یێن دهۆكێ دا و ب شێوه‌یه‌كێ سه‌رده‌مانه‌ كاربكه‌ن.

رێڤه‌به‌رێ گشتى یێ ساخله‌میا پارێزگه‌ها دهۆكێ ، ئاشكرا كركو گرێبه‌سته‌ك دناڤبه‌را زانكۆیا ساسارى یا ئیتالى و زانكۆیێن دهۆكێ و پۆلیتەکنیک و ساخله‌میا دهۆكێ دا هاته‌ ئێمزاكرن ل دووڤ گریبه‌ستێ دێ په‌رستار هێنه‌ مه‌شقدان هه‌تا پرۆگرامێن خواندنێ ژى بهێنه‌ گوهارتن و پتر دگه‌ل ڤێ سه‌رده‌می بگونجن بۆ خزمه‌تكرنا نه‌خۆشان دناڤ ده‌زگه‌هێن ساخله‌میێ دا.
PUKmedia ئانا دیدار -دھۆک