4 كەس بەڕووداوی داهاتووچۆ گیانیانلەدەستدا

وتەبێژی هاتووچۆی پارێزگای دهۆك رایدەگەیەنێت: تەنها لە 24 سەعاتدا بەڕووداوی هاتووچۆ لەسنوری بەڕێوەبەرایەتیەكەیان 4 كەس گیانیان لەدەستداوەو 4ی تریش برینداربوون.

موقەدەم ئازاد تەها وتەبێژی پۆلیسی هاتووچۆی پارێزگای دهۆك بە PUKmediaی راگەیاند: لەماوەی 24 سەعاتی رابردوودا لەئەنجامی 7 رووداوی هاتوو، 4 كەس گیانیان لەدەستداوەو 4ی تریش بریندار بوون.

وتیشی: رووداوەكان لەچەند شوێنێكی پارێزگای دهۆك روویانداوە، یەكێكیان لەنزیك گوندی ئێمینكی، هەروەها ئۆتۆمبێلێكی بارهەڵگر لە ژنێك و منداڵێكی داوەو دەستبەجێ منداڵەكە گیانی لەدەستداوە، لەچیای زاواش لەئەنجامی وەرگەڕانی ئۆتۆمبێلێك دوو كەس گیانیان لەدەستداوە، لەكۆی ئەوو رووداوانەش 4 كەسی تر بریندار بوون.

 PUKmedia ئانا دیدار - دهۆك