لدهوكێ دێ پێشانگه‌هه‌كا گه‌شت وگوزاری هێته‌ڤه‌كرن

ئه‌ڤرو دكونگره‌كێ روژنامه‌ڤانیدا رێڤه‌به‌ریا گشتی یا گه‌شت وگوزارێ ل پارێزگه‌ها دهوكێ راگه‌هاند: كو دێ پێشانگه‌هه‌كا تایبه‌ت ب گه‌شت و گوزاری ل باژێرێ دهوكێ دێ هێته‌ ڤه‌كرن و ئامارێن ئه‌ف ساله‌ ژی ێن ژمارا گه‌شتیارێن سه‌ره‌دانا پارێزگه‌ها دهوكێ داین هاتنه‌ راگه‌هاندن
 خه‌یری عه‌لو ئوسو ، رێڤه‌به‌رێ گشتی یێ گه‌شت وگوزارا پارێزگه‌ها دهوكێ دكونگره‌كێ روژنامه‌ڤانیدا راگه‌هاند وگوت ; دڤان مه‌هێن ده‌ربازبویدا زێده‌تر ژ 300 هزار گه‌شتیاران ل پارێزگه‌هێن دی ێن هه‌رێمێ ، وئیراقێ سه‌ره‌دانا پارێزگه‌ها دهوكێ داینه‌ ، هه‌ر دڤی كونگرێ روژنامه‌ڤانیدا رێڤه‌به‌رێ گه‌شت وگوزارێ راگه‌هاند; كو نوكه‌ ئاماده‌كاری دهێنه‌ كرن بو ڤه‌كرنا پێشانگه‌هه‌كا تایبه‌ت بگه‌شت گوزارێ ڤه‌ ل روژا جیهانیا گه‌شت  وگوزاری كو دكه‌ڤیته‌ روژا 27 ڤێ مه‌هێ ودێ بو 3 روژان یا به‌رده‌وام بیت ل ناڤا سه‌نته‌رێ باژێرێ دهوكێ ، و ژماره‌كا مه‌زن یا كومپانێن گه‌شت وگوزارێ، و ئوتیل ،وموتێلێن دناڤا هه‌رێمێ، وئیراقێ ،و پارچه‌ێن دی ێن كوردستانێ تێدا به‌شداربن و دێ چالاكێن هونه‌ری و كه‌لتوری دهێنه‌ نمایشكرن دڤێ پێشانگه‌هێدا ، ومه‌به‌ست ژ ڤی كای دیاركرنا رویێ پارێزگه‌ها دهوكێ دبیاڤێ گه‌شت وگوزاری ، وسروشتی ،و گه‌لتوری وهونه‌ریدا نیشانی خه‌لكێ بده‌ین ولدوماهیی گوتژی ; مه‌ پلانه‌كا ستراتیجی یاهه‌ی دپێشئیخستنا كه‌رتی گه‌شت وگوزاریدا ل پارێزگه‌ها دهوكێ وكار سه‌ر دانانا ڤێ پلانێ هاتیه‌ كرن بتنێ یامای بچیته‌ دبیاڤێ جێبه‌جیكرنێدا .

PUKmedia  به‌یار ئامێدی