قوباد تاڵه‌بانی سه‌ره‌خۆشی له‌ بنه‌‌ماڵه‌‌ی شێخ عه‌بدولكه‌ریمی شه‌‌ده‌‌ڵه‌ ده‌كات ‌

بۆ كۆچی دوایی خاتوو گوڵاڵه‌‌ شێخ عه‌بدولره‌حمان، قوباد تاڵه‌بانی جێگری سه‌‌رۆكی ئه‌‌نجومه‌‌نی وه‌‌زیران، بروسكه‌یه‌كی سه‌ره‌خۆشی ئاڕاسته‌ی بنه‌ماڵه‌ تێكۆشه‌ره‌كه‌یان كردووه‌، ئه‌مه‌ ده‌قه‌كه‌یه‌تی: 

به‌‌ڕێز جه‌‌نابی شێخ مه‌‌حمودی شه‌‌ده‌‌ڵه‌‌

به‌‌ڕێزان بنه‌‌ماڵه‌‌ی شێخ عه‌بدولكه‌ریمی شه‌‌ده‌‌ڵه‌‌


به‌ڕێزان خێزان و خانه‌واده‌ی كۆچكردوو خاتوو گوڵاڵه‌‌ شێخ عبدالرحمن

به‌بیستنی هه‌واڵی كۆچی دوایی خاتوو (گوڵاڵه‌ شێخ عبدالرحمن شێخ عبدالكریم شه‌ده‌ڵه‌)، دڵگران و نیگه‌ران بووین. به‌م بۆنه‌ خه‌مناكه‌وه‌ پرسه‌ و سه‌ره‌خۆشی له‌خێزان و خانه‌واده‌ تێكۆشه‌‌ر و به‌ڕێزه‌كه‌تان ده‌كه‌م وهاوبه‌شی خه‌متانم. 

خوای گه‌وره‌ سه‌بوریی و دڵنه‌وایی به‌هه‌موو لایه‌ك ببه‌خشێت، جێگای كۆچكردووش به‌هه‌شتی به‌رین بێت.

انا لله وانا الیه‌ راجعون

 قوباد تاڵه‌بانی
جێگری سه‌‌رۆكی ئه‌‌نجومه‌‌نی وه‌‌زیران
PUKmedia