پرسه‌نامه‌ی سه‌رۆكایه‌تی په‌رله‌مان بۆ كۆچی دوایی ھونه‌رمه‌ند عه‌بدوڵڵا خه‌یات

سه‌رۆكایه‌تی په‌رله‌مان پرسه‌نامه‌یه‌ك ئاڕاسته‌ی بنه‌ماڵه‌ و كه‌سوكاری ھونه‌رمه‌ند عه‌بدوڵڵا خه‌یات ده‌كات.

به‌ڕێزان بنه‌ماڵه‌ و كه‌سوكاری ھونه‌رمه‌ند عه‌بدوڵڵا خه‌یات
زۆر به‌داخه‌وه‌ ھه‌واڵی كۆچی دوایی ھونه‌رمه‌ندی خۆشه‌ویست و به‌ توانای كورد، كاك عه‌بدوڵڵا خه‌یات-مان پێگه‌یشت، به‌م بۆنه‌ خه‌مناكه‌وه‌ پرسه‌ و سه‌ره‌خۆشیی خۆمان ئاڕاسته‌ی كه‌سوكار و ھونه‌رمه‌ندان و سه‌رجه‌م ئازیزانی ده‌كه‌ین، له‌ده‌ستدانی كاك عه‌بدوڵڵا، خه‌ساره‌تێكی گه‌وره‌یه‌ بۆ دونیای ھونه‌ری شانۆ و نواندن به‌گشتی، به‌ ئاسانی جێگه‌ی پڕ نابێته‌وه‌، داواكارین له‌ خوای گه‌وره‌ سه‌بر و ئارامی بخاته‌ دڵی ئازیزانی و كۆچكردوو به‌ به‌ھه‌شتی به‌رین شاد بكات.

"انا لله‌ وانا الیه‌ راجعون"

 سه‌رۆكایه‌تیی په‌رله‌مانی كوردستان

PUKmedia