قوباد تاڵه‌بانی سه‌ره‌خۆشی له‌ ناسری ڕه‌زازی ده‌كات

به‌بۆنه‌ی كۆچی دوایی خاتوو شه‌ریفه‌ حه‌بیوڵڵا دایكی هونه‌رمه‌ند ناسری ڕه‌زازی، قوباد تاڵه‌بانی جێگری سه‌‌رۆكی ئه‌‌نجومه‌‌نی وه‌‌زیران پرسه‌نامه‌یه‌ك ئاراسته‌ ده‌كات كه‌ ئه‌مه‌ ده‌قه‌كه‌یه‌تی: 
به‌ڕێز كاك ناسری ره‌زازی 
به‌داخه‌وه‌ به‌یانی ئه‌مڕۆ به‌ بیستنی هه‌واڵی كۆچی دوایی خاتوو (شه‌ریفه‌ حه‌بیبوڵا)ی دایكی به‌ڕێزتان رۆژمان كرده‌وه‌، به‌م بۆنه‌ خه‌مناكه‌وه‌ پرسه‌ و سه‌ره‌خۆشیتان ئاڕاسته‌‌ ده‌كه‌م و خۆم به‌ هاوبه‌شی خه‌متانم ده‌زانم.
خاتوو (شه‌ریفه‌) له‌خێزانێكی زه‌حمه‌تكێش و نیشتمانپه‌روه‌ر بوو كه‌رۆڵێكی گرنگی هه‌بوو له‌جۆشدانی نه‌وه‌كانی بۆ كوردایه‌تی و خه‌بات دژی زوڵم و زۆر و بانگه‌واز بۆ ئازادی كوردستان. 
بۆ ئه‌م خه‌مه‌ گه‌وره‌یه‌، له‌په‌روه‌ردگار ده‌پاڕێینه‌وه‌ كۆچكردوو خاتوو (شه‌ریفه‌ حه‌بیبوڵا) به‌ به‌هه‌شتی به‌رین شادبكات و سه‌بوری و دڵنه‌وایی به‌هه‌موو لایه‌ك ببه‌خشێت.
انا لله وانا الیه‌ راجعون
قوباد تاڵه‌بانی جێگری سه‌‌رۆكی ئه‌‌نجومه‌‌نی وه‌‌زیران
PUKmedia