ناحیه‌ی ره‌شاد.. تیرۆرستێك كوژرا

شه‌وی رابردوو له‌سنووی ناحیه‌ی ڕه‌شادی پارێزگای كه‌ركوك تیرۆرستانی داعش په‌لاماری هێزه‌كانی لیوای 18ی فیرقه‌ی 5ی پۆلیسی فیدڕاڵیاندا له‌و ناوچه‌یه‌، سه‌رچاوه‌یه‌كی ئه‌منیش رایگه‌یاند، دوای شه‌ڕوپێكدادان دوو پۆلیس كوژران و دووانی دیكه‌ش برینداربوون.

له‌باره‌ی هه‌مان په‌لامار شانه‌ی ڕاگه‌یاندنی ئه‌منی عیراق بڵاوی كرده‌وه‌: له‌و شه‌ڕ و پێكدادانه‌دا تیرۆرستێكی داعش كوژراوه‌.

ئه‌نجامدانی ئه‌و په‌لاماره‌ له‌كاتێكدایه‌ له‌ڕۆی 28-7-2021، ه‌وه‌ ئۆپراسیۆنێكی سه‌ربازی له‌ناوچه‌كانی باشوورو خۆرئاوای كه‌ركوك له‌لایه‌ن هێزه‌ عیراقییه‌كانه‌وه‌ ده‌ستیپێكراوه‌ و چوار فیرقه‌ی سه‌ربازی له‌پۆلیسی فیدراڵی و سوپای عیراق له‌و ئۆپراسیۆنه‌دا به‌شدارن كه‌وابڕیاره‌ ئۆپراسیۆنه‌كه‌ 10ڕۆژ به‌رده‌وام بێت بۆ كیوماڵكردنی ناوچه‌كه‌ له‌پاشماوه‌ی داعش و شانه‌ نووستوه‌كانی.

PUKmedia محه‌مه‌د ئه‌حمه‌د- كه‌ركوك