ئێران.. تووشبوون بە كۆرۆنا ڕێژەیەكی پێوانەیی تۆمار دەكات

لە 24 سەعاتی ڕابردوودا زیاتر لە 37 هەزار كەس له ئێران تووشی كۆرۆنا بوون و زیاتر لە 400 تووشبووش گیانیان لەدەستداوە. 

وەزارەتی تەندروستی ئێران لەڕاگەیەنراوێكدا ڕایگەیاند: لە 24 سەعاتی ڕابردوودا 37 هەزار و 189 كەس تووشی كۆرۆنا بوون و 411 تووشبووش گیانیان لەدەستداوە. 

وەزارەتی تەندروستی ئاماژەی بەوەشكردووە تا ئێستا سێ ملیۆن و 940 هەزار و 708 كەس تووشی كۆرۆنا بوون و لەو ڕێژەیەش سێ ملیۆن و 404 هەزار و 533 تووشبووش چاكبوونەتەوە و 91 هەزار و 407 تووشبووش گیانیان لەدەستداوە. 

PUKmedia ئاژانسەكانی ئێران