Çeteyên yasayî û ne yasayî

Pirsename 11:17 AM - 2021-07-09

Îro du jinên kurd, ango du dayêkên kurd ên aştîxwaz bi guleyên çeteyan yasayî û ne yasayî jiyan ji dest dan.

Mamosteya zimanê kurdî a Efrînî, Sozan Ehmed ji ber çeteyên li Efrîna dagîrkirî, ji neçarî reviya û canê xwe û zarokê rizgar kir, gihîştin bajarê Qamişloyê ku bi bajarê evînê tê nas kirin, lê mixabin li hundir Qamişloya azad bajarê evînê, bi guleya çeteyên "yasayî" di bin sîbera Rêvebiriya Xwesr de, jiyan ji dest da û jineke ducanî bû.

Her weha ji aliyekî din ve jî, jina kurd a malxwe Rukan Sîno a ku ji kelhaya Berxwedanê berê xwe dabû bajarê evînê tako serdana bavê xwe di nexweşxaneyê bike, mixabin rastî guleyê çeteyên ne "yasayî" tê û di encamê de, jiyana xwe ji dest dide û birayê wê jî bi giranî tê biurîndar kirin.

Ti cudabûn di navbera çeteyên yasayî û ên ne yasayî de tune ye, her kesek li dervayî yasayê kar bikie ew çete ye, ew yasaya ku hatiye darijtin bi xwîna 14 hezar ciwanên kurd û Kurdistanê hatiye amdekirin, gelo çire tu bi wê yasayê pabend nabî. Ma tu kiyî.? Ma tu ji çi regezê mirovanî.Ç? Ji bo derketina keçka xwe, te malbatak tune kir, te jiyana malbatekê kir jehir û ziqnebût.

Te dayîkek mû zarokê wê ê di zikê wê mde û ew zarokê derva jî tune kirin û te mêr jî bê beş kir û te malbat tev wêran kir. Ma te xwe vehesand ..? Ma te karekî baş kir.? Ma te qet negot ez çi dikim. ?Ma kêfxweşî bi gulebarankirinê ye. ? Ma dilgeşî ji zarokên xwe re mirov mirovan dikuje.?

Ez ti cudabûnê nakim navbera çeteyên yasayî û ên ne yasayî. Li cem min heduk ji hev xeraptir in û metirsîdartir in.

Hozan Efrînî

zêdetir tamaşe bike

zortrin xwendraw