Qubad Talebanî: Divê sûd ji ezmûnên Çîn`ê bê wergirtin

PUKMEDIA

Civîna Qubad Talebanî û Konsolê Giştî yê Çîn`ê

Qubad Talebanî,cîgirê serok wezîran, pêşwazî li Leo John, konsolê giştî yê Çînê li herêma Kurdistan`ê kir û di civînekê de gotûbêj darbarê çawaniya geşepêdana bernameya rahênana pîşeyî di bi warên cûr bi cûr de hat kirin.

Di civînekê de ku roja Pêncşem`ê rêkefta 8ê Tebaxa sala 2024 an li Hewlêr`ê bi rêveçû, Qubad Talebanî spasiya hikûmeta Çîn`ê kir ku di demên bûrî de hevkar bû ji bo fêrxwazên sazî û dezgehên hikûmeta herêmê ,ku ji bo beşdarîkirina di xulên rahênana pîşeyî dê sardana wî welatî bikin.

Cîgirê serok wezîran daxwaz jî kir ku ew pêkeve kar bikin ji bo geşepêdanên zêdetir û berdewamkirina  bernameyên rahênana pîşeyî , daku di pêşerojê de hejmarek zêdetir fêrxwazên herêmê di warên cûr bi cûr de û bi taybet jî di warên bazirganî û çandinî û jîngehî û geştûgûzariyê de beşdarî xulên rahênana pîşeyî ya welatê Çînê bikin,daku herêma Kurdistan`ê bikaribe sûdek zêdetir ji ezmûna dewlemend ya welatê Çîn`ê werbigire.

Di wê derbarê de konsolê giştî yê Çîn`ê amadebûna welatê xwe nîşan da, ji bo geşepêdana zêdetir di bernameyên pîşeyî de ji bo fêrxwazên Kurdistan`ê di warên cûr bi cûr de.

Di beşek din ya civînê de gotûbêj derbarê bernameyeke taybet ya nivîsingeha cîgirê serok wezîran ku taybet e bi geşepêdana şiyanên werzişvanên kurd û niha jî di çarçoveya wê bernameyê de hejmarek werzişvanên Kurd bi taybetî di warên hûnerên cengî de li welatê Çîn`ê mijûlî rahênanê ne.

Her weha amaje bi pilana beşa werzişa ya cîgirê serok wezîran hate kirin ku biryare di demeke nêzîk de tîmek ji rahênerên di asta bilind yên welatê Çîn`ê de di warên hûnerên cengî de ji bo vekirina xulên rahênanê û encamdana çalakiyên werzişî serdana herêma Kurdistan`ê bikin.

 PUKMEDIA