Moleta îmzeyê ya Rakan Cibûrî tê rakirin

PUKMEDIA

Civata Parêzgeha Kerkûk`ê

Nivîseke Rakan Cibûrî ji bo dabeşkirina mûçeyên fermanberên civata parêzgeha Kerkûk`ê hat redkirin, ji ber ku wî dixwest weke parêzgarê bi wekalet kar bike,ev di demekê de ye ku,11endamên civata parêzgehê jî bi fermî Elî Hemedî ji bo cî bi cîkirina karên parêzgariyê destnîşan kirin.

Çavkaniyekî ji civata parêzgeha Kerkûk`ê ku nexwest navê wî were eşkerekirin, ji malpera fermî ya Yekîtî ya Nîştimanî ya Kurdistanê (YNK) PUKMEDIA re ragihand : Roja Çarşemê 11 endamên civata parêzgeha Kerkûk`ê bi fermî Elî Hemedî alîkarê parêzgarê Kerkûk`ê destnîşan kirin  ji bo îmzekirina li ser lîsta dabeşkirina mûçeyên fermanberên civatê, her çende Rakan Cibûrî ne razîbûna xwe  nîşan da û xwest ji Bexdayê nivîsekê bîne daku weku parêzgar serederiyê bike û kar cî bi cî bike, lê daxwaziya wî hat redkirin bi sedema ku êdî ew parêzgarê Kerkûk`ê nîne.

Wê çavkaniyê eşkere kiriye ku di dawiyê de Elî Hemedî lîsteya dabeşkirina mûçeyan îmze kir, û li gor wê nivîsê fermanberên civatê mûçeyên xwe wergirtin.

Roja 11ê Tîrmehê parêzgarê Kerkûk`ê bi wekalet Rakan Cibûrî wek endamê civata parêzgehê sond xwar û wek endamê civatê dest bi kar bû, bi wê yekê jî îmzekirina nivîsan wek parêzgar yên wî hatin redkirin.

Nameya Rakan Cibûrî ya redkirî:

PUKMEDIA