Yekîtî: Reva hêzên PDKê ji Şengalê derfetê berevaniyê kêm kir

PUKMEDIA

Logoyê Yekîtî ya Nîştimanî ya Kurdistanê

Mekteba Siyasî ya Yekîtî ya Nîştimanî ya Kurdistanê (YNK) bi boneya 10 ehemîn salvegera jenosîda Şengalê peymek belav kir ku têde hatiye: 10 sal bi ser jenosîdkirina Êzîdiyan li ser destê terorîstên DAIŞ`ê derbaz dibin ku ev mezintirîn tawana serdemê ye li dijî mirovayatiyê di sed sala 21 an de.

Di peyama Mekteba Siyasî de hatiye: Mixabin xizmên me yên Êzîdî li hember hêrîşa terorîstî bi tenê hatin hêlan, û reviyan û xemsariya hêzên (PDK) ya desthilatdar kêmtirîn derfet ji bo berevanîkirin û parastina wan hêla.

Naveroka Peyamê

10 Sal bi ser jenosîdkirina Êzîdiyan li ser destê trorîstên DAIŞ`ê derbaz dibin ku mezintirîn tawana serdemê ye li dijî mirovayetiyê di sed sala 21 an de li dijî hevnîştimanên me yên Êzîdî û aknciyên din yên li deverê û şaristaniya dîrokî ya Şengal û derdora wê.

Fermana komkûjî ya DAIŞ,ê bi hezaran kesên Êzîdî kirin qurbanî û bi sedan keç û jinên serbilind yên welatê me kirin kole û li bazaran firotin.

Mixabin di vê karesatê de kesûkarên me li hemberî hêrişên terorîstan bi tenê hatin hêlan,û reviyan û kêmtirxemiya PDK,ê ya desthelatdar kêmtirîn derfet ji bo berevanîkirin û parastina wan hêla,Yekîtî Nîştimanî ya Kurdistanê di destpêka karesatê de tevî dûrbûn û astengiyên li hemberî wê bi hêzeke kêm û cewherî şan bi şanê rêxistinên xwe li deverekê hêleke berevaniyê ji bo beşek ji awareyên lêqewmayan dirust kir bo parastin û rizgarina wan Ii gorî şiyanên xwe û piştî piroseya rizgarkina Şengalê jî di çarçoveya cenga destpêkê ya li dijî terorîstên DAIŞ`ê de hewlên xwe li navxwe ya Kurdista û Êraqê berdewame in ji bo cî bi cîkirina berpirsyartiyên hikûmeta Herêm û Federal û civaka navdewletî  li hemberî keysa ji bo bi cenosîd nasandina wê tawanê,û rizgarkirina zindiyan, qerebûkirina zerermendan û jinavbirina astengiyên siyasî yên dirustkirî li hemberî vegereke bi serbilindî ya awareyan û lêqewmayên wê karesatê ji bo deverên xwe.

Di vê yadê de em wek hêzeke Kurdistanî ya berpirs bi moraleke mezin xwedîderketina li vê dosye ya netewey û nîştimanî û mirovî ya xelkê xwe ya Şengalê dubare dikin,û tekez li ser parastina nasnameya Êzîdiyan wek pêkhateyeke resen û zindî ya Kurdistanî û dabînkirina jiyaneke bi rûmet û hêjayî ji bo wan dikin.

Yada vê xema netewey, hevdeme digel cejna kevin ya Çileya Havîn ya Êzîdiyan ku ew cejn hertimî nîşaneya berdewamiya jiyan û berevankarî û îradeyan vemanê ye , bi vê boneyê ji bilî ku em pîrozbahiyê li tevaya xûşk û birayên xwe yên Êzîdî li welat û li derve dikin , hêvîdar in jî îradeya vemanê berdewam bi ser rojên reş yên sitem û karasatan de zal bibe û bi serkeve.

Silav li giyanê şehîdan û qurbaniyên jenosîda Şengalê û tevaya qurbanî û şehîdên gelê Kurdistan û Êraqê.

Mekteba Siyasî

Yekîtî ya Nîştmanî ya Kurdisanê

03-08-2024

PUKMEDIA